يا صبح ليلي الغبش شكَـ الظلام
وبنداه كحل رموشي الناعسه
وياعذب كَوهان تتدافع واجيت
على طرور الشلحفت واليابسه
يالمجعد والذهب منك يطير
بان واشتلتك بروحي الجايسه
ياهرش مسكي بدمع خضر بچول
شيرتجي بفزاعه صارت حارسه
وياكَحيل المالثم رسنه بشفاه
عمت عين الاغم يصعد فارسه
آنه نار وتستعر خايف عليك
من بعيد ارجوك مد حمي اديك
لا اشلوطلك الثوب اللابسه
ياحضن بردي وزهه برشفة الماي
وبيك صاح الريح ما تلعب اوياي
وانه منجل كارتي حد سنه بيك
شرد اسولفلك واكَلك بالعتاب
چم عذر من كَشره بيك مفلسه
انذرت تجراية دمه لحسنك نويت
وانحرت شاتي اعله ثوب المعرسه
لا تركب برعمي خليني شوك
ما يفيد المات عركَه بمغرسه
عودي نشفته الشمس ما بي حنان
ولا تنام بسدي يهدم بالمچان
ولا تعلمني بدليلك والبيان
هوه لاطرش هم يطب المدرسه
يالجبت كلبك لعد تاجر چبير
طلع خسران وتجاره مفلسه
طلع خسران وتجاره مفلسه
