الى الفنان الكبير..سامي كمال ..في غربته..

هديتي اليك ايها الكبير الرائع( سامي كمال )
يسامي شگد عشگ بالروح..مدفون بسواجيهه
تحن واليامحطه تروح..يتلگه عيونكم بيهه
يسامي وذاك صوتك حيل فوك الحيل يطيهه
يلمعلم العشگ للناس..
يا وردة محبه بگصتك تنباس ..اسألك عن ليالي الشوگ والغربه
وانه ادريهه يسامي ..هموم وسوالف حزن صعبه
بعد عودك يهز روحي..
من اسمعه يهيج جروحي..
يرايح ها يرايح وين..رايح وين يصويحب
حنينه ارويحتك كل يوم..بيهه اسم العراق يهب
شسوفلك يسامي الناس..ما عادت بعد تهوه
ولا ليل العشگ تگضيه ..لحن ومسامر وغنوه
ولا صبح الفرح ذاكه..ولا ليل العشك هوه
عشگنه مظفر النواب..
لن ريل المحبه ..بزود صوته يفزز السياب
يازرياب..عودك گلي بعده يصيح..
يانجمة عشگ..وادريك عيب اتطيح..لا متطيح
وانت الكاع..يا نسمة محبه مطرزه بنعناع
احب صوتك..واحب عودك..واحبن بيك حلو اطباع
احبنك حفرت اسمك على اگلوب العراقيين
احبك چي گلت للسمرة لاتنسين..
لاتنسين..لاتنسين..
لاتنسين ..نرجع والسوالف هيل..تغفه بشفة معرسين
نرجع..والحنين يعود .. وتغني الشمس للناس وتميش شعرها الكاع
وتكحل رمش كل عين
واحنه بكل وكت حلوين
والله بكل وكت حلوين
ياعشگ العراقيات .. عشگ الماي ويه الطين
يا هلوهله يافرحه..
يرفعة راس كل بيرغ..على متونه لعبنه سنين
من گد ما عشگنه الغيم..روس اعلى السمه معلين
حتى امن الشمس بينه .. طبع وبكل وفه منورين
وتحبنه الشمس واتصيح ... فدوه الكم عراقين
فدوه الكم عراقين..
فدوه الكم عراقين..

مع حبي.....

الشاعر عدي فريد.

تسلم حبيبي عدي الشاعر الكبير والمتالق تسلم هذه الرائعه الله يوفقك
حقيقة ابيات جميلة نابعة من القلب
وليس بغريب على شاعر مثلك
الف شكر اخي العزيز

الرائع عدي فريد
لقد حاكيت الاحاسيس والوجدان
وكنت شفافا الى ما لانهايه
كتبت فعرفت كيف تستخدم ادواتك وتميزت بما كتبت
كنت اكثر من رائع وكانت قصيدتك
مموسقه تدخل القلب بلا استاذان
تحياتي لك وجل احترامي

احسنت وصح لسانك يا مبدع

رائعه رائعه فعلا شاعرنا الرائع

لك مني أحلى تحيه ودمت مبدعاً

اقتباس:

---

المشاركة الأصلية كتبت بواسطة عادل المنصوري

تسلم حبيبي عدي الشاعر الكبير والمتالق تسلم هذه الرائعه الله يوفقك
حقيقة ابيات جميلة نابعة من القلب
وليس بغريب على شاعر مثلك
الف شكر اخي العزيز

---

فدوه لعيونك يا غالي ... والله مؤثر يا شاعر يا متمكن اتمنى التقي بيك
يا غالي لان بالفعل عجبتني ..ومو غريبه انتم كلكم ادباء .يا حبيبي...

رااااااااااااائع ما كتبت يا شوك الشفايف
لك التحية

اقتباس:

---

المشاركة الأصلية كتبت بواسطة محمد عبود العبودي

الرائع عدي فريد
لقد حاكيت الاحاسيس والوجدان
وكنت شفافا الى ما لانهايه
كتبت فعرفت كيف تستخدم ادواتك وتميزت بما كتبت
كنت اكثر من رائع وكانت قصيدتك
مموسقه تدخل القلب بلا استاذان
تحياتي لك وجل احترامي

---

يا صاحبي الغالي ...

افهمك واعرف قلبك الرائع ...واشكرك فانت الجمال ..

دم لي محمد ياغالي لك روحي محملة بعطرها وانت تعرف عطرها ..يا غالي..

واحنه بكل وكت حلوين
والله بكل وكت حلوين
ياعشگ العراقيـات .. عشگ الماي ويه الطين