وحك من طلكت امي ونخيت بسماه
سنه ماضحك وماشفت بســـمه
من شفت الشماته اطير بسماه
عبت جنحي وكتله الصوج بيه
بغيابك عكلي تك صاحي وجن تك
بسبب لني افكدت نارك وجنتك
اشعليك ايصير اذا ابوسن وجنتك
ويجي يوم القيامه وذبها بيه
تفسر لغز حبك والله حالة
وصدك بين ودادك والله حالة
احب حالة بغرامك والله حالة
من اخزرك تفتهمني وترخة لية
عليك عيون مو دم هم هملنا
وهجرك زاد كلش هم هم النا
فوك الضيم كلبك هم هملنا
صفينا بلا محب شنهو القضيه.
بالحر والصحابه أقسمت مع جون
گلبي ويالهموم العليّ معجون
طماطه شفافچ الحلوات ...معجون؟
الزمتهن صارت الحمره بديه
أحملت غصبن عليه جور أبيها
ودنيتي شكثر شايف جور بيها
الباري بشفته خلّه جوري بيها
لأن كلما اشمها تفوح هيه
تلالي مثل چيس ابيض ولك شاف
وعونه الكحل عيونه والك شاف
الك مبسم يفت روحي والك شاف
مرج بحرين وتلاگن سويه
جاري الاتصال وياك جاري
يمن حبك نهر بالروح جاري
وين الله وبيوم تكون جاري
احني الحايط والباب واديه
احذرك من صدودي وانفعالي
لاني الناصي انفي وانفي عالي
حلو ومغرور كلش وانفي عالي
على اليريد يتكبر علية
بيح كبال عينك بارزاني
ولاجن كبل غيرك بارزاني
اذا باربيل رشح بارزاني
يحط صورتك لن تفوز هية
علي تزعل يل بخدك 11 لون
دع الوين دع اليمتة دع شلون
ما كلك علي جفك دعا شلون
زعل اهلي ولازعلك علية
عزيز انته يغالي الروح عدنه
واحلفك من تعد اعزاز عدنه
وعدناك ويظل واجب وعدنه
نعزك لوتصير انته الاذيه
م\ن
مع تحياتي اميرالاحزان
</B></I>
