ذنب حبك كتبته ابدفتر الروح

اروى من شوفتك واترك الماي
واحس بشوفتك جن توي شارب
حاضر سجليتك بين العيون
وابد ماسجليتك بيوم غايب
ذنب حبككتبته ابدفتر الروح
اوعن ذنبك جذب مكول تايب
شاب اوذوبتني اعيونك السود
دكلي اشلون من انكلب شايب
مثل شمعه كضيت العمر وياك
اوج خيطك ابدمي او ابقه ذايب
اشوفك مدرسه وابيهه انته استاذ
حلاه الروح بيها انكلب طالب
افرح من اصيرن طالب اهواك
واقبل من اصيرن بيك راسب
موجب رمش عينك لاتجي احداي
لان كلي اصير اوياك سالب
عندك عين ماضن منهه موجود
اوحاجب فوكهه مامثله حاجب
موحكه الجسم من يرجف احداك
اويمك لون وجهي يصير شاحب
سهمك ماخطاني اوصحت افيه
بلا نيشان سهمك صار صايب
بلا نيشان سهمك صاربيه صايب

منقول للأمانة الأدبية

عاشت الايادي تسلم

دمت و دام عطائك


دوم التميز

مع تحياتي اميرالاحزان

احسنت اخي العزيز
قصيدة غزليةرائعه تدل على ذائقه مميزه
ننتظر جديدك
كن بألف خير

منوررين يااحباب
يسعدني حضوركم
مودتي واحترامي