قصيدة بحق الإمام الحسن عليه السلام / كريم اهل البيت

قصيدة بحق الإمام الحسن ع


عد بمكرماته اشما تريد تعد
ما توصل عددها ولا الحدها اتحد
مضيف الله الحسن والصحن شمس الكون
من جفه وغدت مائدة عيسى اتمد
لو ما حضرته اسنين العجاف اطول
ويوسف ما يحلها ولا خزنته اتسد
غصن شجرة محمد والثمار اعلوم
من روض المعارف منجلهّ يحصد
سورة مقدرة في مصحف التكوين
وقبس نور الجلالة ابطلته ايجسد
خطوته قل أعوذ ُ وبسملة اعله اشفاه
شما ردد لفظ هي الوحدها اترد
مزامير المسيح وصحف إبراهيم
بصابيعه معاجز نطق بيها الضد
ابن فارس مضر سوح الوغى اتفز بيه
كَدها ومن قــُبل لو راد بيها ايقد
من يحتد غضب يتراجع الميدان
يكَوم العين سيفه بالركَاب ايحد
يفحط من يطبها الحسن عزراين
لو خنزر اتورث والزلم تلبد
يشكَـ حلكَـ المنايا اشما تغص بالموت
يرفسها ابزعل واعله اليزعله اتهد
دخيلك سيدي يا باب اسولف بيه
وبيبانك وسيعة وللطرقها اتود
تبعد جدمك غيرك عن طريق الله
وجدمك عن طريق اللآت من تبعد
حصن سر وجودك حكمة التوحيد
ولو ما عصمتك يتعدد الموجد
تبجي تكَوم كَصتك من حياء البيك
لو شافت فقير ابعوز جفه ايمد
يا هيبة محمد بيك من تكَوم
وكل نزعة علي وياك من تكَعد
يمك كلشي يكَضي بعكَدت الديوان
وتعكَد راية العباس من تعكَد
بشوش ومبسمك ينشر قلائد نور
وعن وجه الينشدك ما تعرف اتصد
عيون الما تشوفك عميه يا مولاي
وضمير الما يحملك ما يعرف الجـد
بجف عصمة محمد خاتم اسمك جان
وبجف الصميده القبضة من ايهد
إلا يا ابن من أرجع قرصها وفاز
يرجعلك فلكها لو ردتها اترد
يا رحة الزهرة وكربلاء اشهود
والقاسم قطبها وبالزلم تمرد
ماشوفن حجر فوكَـ الكَبر والله
طينة خلق آدم على الكَبر تسجد
تكَصد كعبة الله من تحج الناس
والكعبة البقيعك من تحج تكَصد
حسن وانته الحسن قول وفعل وأفكار
عله نهجك ملك للمنتقم تعبد



الشاعر .. foraten.net/?foraten.net/?foraten.net/?foraten.net/? ماضي القلعاوي

عظم الله اجورنا واجوركم بمصاب كريم اهل البيت الحسن عليه السلام
وفقك الباري واعطاك الصحة والعافية يمة الغاليه
تحياتي

طيب الله انفاسك
اختي ام فيصل وسلم ذوقك
تحياتي يالغاليه ومحروزه لك عند
كريم اهل البيت الامام الحسن عليه
السلام

الاخت العزيزة ام فيصل
بوركتي اختي العزيزة على نشر هذا الموضوع وجعله الله في ميزان حسناتكم
ووفقتي على ماهو خيرا انشاء الله
تقبلي مروري البسيط هذا ولكي ارق التحايا .
القلب الاسير

عظم الله لك الأجر عزيزتي أنثى شرقية
وكل الشكر والامتنان لدوام حضورك المميز

مودتي واطيب تحاياي لك

مشكورة اختي العزيزة
ام فيصل على هذه القصيدة المميزة
وسلام الله على الامام الحسن
تحياتي وتقبلي مروري

مشكور يبو حيدر
بارك الله فيك عزيزي
وممنونة لجميل تواصلك
مع تحياتي واطيب امنياتي لك بالتوفيق

مشكور عزيزي القلب الاسير
على حضورك الكريم وردك الطيب
ولاحرمنا هذا التواصل

مع تحياتي وتقديري