خلك ماصرت لو ما خليلي تصير
وصرت خلي برضاتك جي صرت خلك
علمتك عليه من الالف للياء
تغلط بالاجابه واني اعدلك
حثت الخاطرك بالروح حرث الكاع
بوسات وورد كل خلكي اشتلك
شمعاته بحياتي وعمري ضلمه ليل
شعلت روحي وخفت ماشعلك اشعلك
اخاف سنين عمرك تحترك بالشوك
اضم الك كمت من عمري اعزلك
عليك تسودنت
عليك تسودنت مو بس اخاف عليك
احل روحي واحلك خايف تحلك
واغمض من اشوفك واخدر على الصوت
غلطه انت بحياتي وابد مازلك
جم بليس اطرد من يوزني عليك
وجم شيطان ارجمه بعمري واشتلك
ماصيرا نبي بس راهب انه وياك
بايات المحبه بشوك ارتلك
شلي بغيرك انت والكه مثلك وين
وتتعب تلكه غيري بهالتعب شلك
ياهو العلمك
ياهو العلمك وتريد تمشي بعيد
سل الشوق خايف باجر يسلك
مثل ضلك جنت بالخطوه نمشي ثنين
مشيت انت بظلام وضيعت ضلك
دليني عليك
ولك دليني عليك سنين تايه بيك
ومشي وياي يمي خاطر اندلك
عرفني على شخصك رايد احجي وياك
بس كلمه وبعد ماغيرهه نكلك
وحده من الاثنين وحده راح اختار
:66 (46):لو كلك احبك لو احب كلك:66 (46):
