اجمل وجه للشاعر ميثم عباده

اجمل وجه للشاعر ميثم عباده
يااجمل وجه شافته اعيون الناس
الكمر من نور خدك كملت نوره
بكامرة السماء الباري صور بيك
ودزك عالخلك في احسن الصوره
مو لني احبك هيج اسولف بيك
السمج من شاف خدك زاعل ابحوره
ياريحة اديالى ابموسم القداح
ويا ريح الصويره ابخبز تنوره
اضل ابلا نفع لو ساعه عني اتغيب
شيسوي السلاح ابغير شاجوره
وذا لاسامح الله ابيوم اجاك الموت
انه اسرافيل اصيرن ونفخ ابسوره
حلو كلش حلو ويعجبني اوصف بيك
ياكطرة ضوه وبماي مغموره
ياريحة شلب من عنبر المشخاب
يا بغداد كله وعطره وزهوره
سبحان الاله شكثر صايغ بيك
ما عرفك ذهب لاانته بلوره
ولااعرف جمالك هذا من يانوع
اذا حتى الحواجب دور مديوره
دايخ بيك كلش ياغصن ريحان
يلي ارموش عينك نشر منشوره
طمعان ابجمالك كلت يعدي الروح
كطره انه وجمالك صار نافوره
وذا ردنه انتقارن مره انه وياك
مثل طبشور اسود فوك صبوره
ولا اصدك دمعتك تنزل اعلى الكاع
زاب انته ودمعته ابحضن خابوره

الشاعر ميثم عباده

وذا ردنه انتقارن مره انه وياك
مثل طبشور اسود فوك صبوره
ولا اصدك دمعتك تنزل اعلى الكاع
زاب انته ودمعته ابحضن خابوره


الشاعر ميثم عباده
صح لسانك اخي الكريم
تقبل مروري وتحيتي لك

طمعان ابجمالك كلت يعدي الروح
كطره انه وجمالك صار نافوره..
الله يار ائع....ياجميل..دمت لي.

جميل جدا وابدعت اخي العزيز ميثم

تحياتي لك وامنياتي بالتوفيق يا مبدع

تواصل معنا ولاتحرمنا ابداعك 0