رساله للحكومه الرشيده ؟؟؟ حكومه بلا حكومه بغير تشكيله

ياهو المنج أشرف خاطر أشكيله
دليني ياحسنه وباجر أمشيله
أمشيله وأسولف كل حجي المهموم
كبل حفاي كالوا هسه ماكو هدوم
بيتي من القنابل والقصف مهدوم
وحكومه بلا حكومه بغير تشكيله
تنازع عل الكراسي والشعب حفاي
وأبشرك لاغذا لا كهرباء لاماي
أحنه اهل النفط والكاع عز الماي
ياحسنة الحكومه تكدر (تشيله)؟
حكومتنا الرشيده ليش هل التأجيل
أي مو نزلت علينا من السما سجيل
بلوه أبتلينه قابل أحنه أهل الفيل
أي موهذا ابرهة خلونه نكفيله
جوعنا ابرهة وجوع ابو الكفار
ثلث أسنين اسمع ما أشوف أعمار
بس بعض الحكومه اصبحوا تجار
بهاي أشهد يحسنه بيوم وبليله
تجار الحكومه والشعب حمال
وياهو اليجي باجر يغير الحال؟
من هاي السوالف حملونه أثقال
أذا ينعدل وضعي ينعدل ذيله
حكومتنا الرشيده ليش هذا البوك
تره الهذا الشعب قط ماتضيع احقوق
باجر بأنتفاضه نشك كثير حلوك
عرفنه الباكنه ونعرف اليأويله

للشاعر رحيم المالكي رحمه الله وأدخله فسيح جناته
عنوانها رساله الى الدكتورة حسنهة ملص.............

منقوله للأمانه