نزيف افكاري خجلا من العباس

بأطراف اديه خدر
وبصدري نايم جبل
عندي قضية عمر مختلفه بيهه الناس
ماأعتقد بالكمر
هذا خيال الارض من كبة العباس

كل السنه بأمرته
مرات اشوفه بدر وهلال بأول يوم
يعني من أصوم الشهر
لازم أعرف الفضل
ياهو اليوقت الصوم

التاريخ بيه انذهل
وللخوه صار المثل
ماغضب بس انفعل من ناحت سكينه
يمطر شهامه الكمر
كافل نجوم السمه والشمس بيمينه
شق الطريق أوصل
بس ماشرب بل رفض
يانفس هوني بعد وأرتوت دم عينه

السهم لاح الجفن
عينك جذب ماعمت
واكبر دليل اعرفه ماغاب يوم الكمر
الجفوف خضرت وفه
شالت بديهه الارض من عانداهه النهر
ماصدك انه الجره
النور مامات ارى
المات بالطف تره من الخجل بس قدر

الليل بيه أحتمه
العباس أسم ؟ ملحمه
ماسالت ابدا دمه
هذا حمار السمه من شدة الخجله
وبعراقي واحد نهر
بس من فرات امتنع
عزلت نفسهه بزعل وسوت نهر دجله

وبالطف مواقف كثر
بس اعظم الي جرى من قدمت جفين
جبريل بيهه اندهش
من شاف نور الصلب
أثبت بأن البشر مو كتله من الطين
يتقاتل ويه الشرك
جن وانس لا واضف
ابليس هم اشترك سمو شمر بعدين
حاول ولكن عثر
لست بمن يستجب عن ذره من حسين

الجيش انفتح واعتقد ماخله بيهم نفس
وجان العطش معجزه من رفض حتى الفرس

مو قصه واقع جره
وظلت بعدهه الارض تمطر حزن واحساس
لوتنظر لحالتي
بيه نزيف الفكر
وافكاري هم تستحي من اذكر العباس

الله الله الله
بارك الله في نفسك القدسي
وروحك المواليه لاهل بيت النبوه
سلام الله عليهم محروزه لك اخي اعند العباس
جزاك الله خير الجزاء
تحياتي

السلام عليك ياابا الفضل العباس ياساقي عطاشا كربلاء
عطر الله انفاسك وجعلها في ميزان احزانك
الف تحية لك

الله الله الله
نايل ولا كل نايل..
رائع كنت في هذه الملحمة مما دعاني الى التصفيق اعتزازا بشاعريتك
كم انا سعيد بوجودي معكم..في هذا المنتدى الذي يفيض ادبا شعبيا رائعا..شوك.

السلام على قمر العشيرة ابي الفضل العباس
اخي العزيز
بارك الله فيك وجعلها في ميزان حسناتك
وعظم الله لك الأجر