الك يابن الميامين -- نظل نهتف ملايين

الك يابن الميامين ....... تظل تهتف ملايين
بدموع العيـــــــن........ تنادي احسيـــــــن
**************************************
مواكب بالالوف افواج ..... الك موكب باثر موكب
علينه شما يمر عاشور ......نسجل موقف ونكتب
بدمه لا مو دمع يحسين ...... المناهل سيدي تسجب
عله مصابك يبو اليمه ....... حزن وبكل الم نندب
عهد يابن الزجيه ......... تظل الجعفريه
نظل باقيــــــــن .......... ننادي حسين
*******************************************
قسم نقسم يبو اليمه ........ مواكبنه نسيرهه
ولاء لحبك الطاهر ........ مجالسنه نعمرهه
خدم تبقه الخدم لجلك ...... تظل تصدح حناجرهه
علينه شما جره ويجره ..... جذب لحظه ناخرهه
ولاخفنه الظلم يوم .......... نظل عله العهد دوم
يمحيي الدين ............. ننادي حسين
******************************************
علينه شكد محن مرت....... بمحبتكم شهدناهه
بقينه ولا شعائرنــــه ........ أبد لا ما تركناهه
وضريبة حب زيارتكم ...... ذهب ميه ودفعناهه
ولمن رادت تكص جفوف ..... الجفوف احنه كطعناهه
ألألم لا مايهمنه ........... ولايوم احنه خفنه
بدمه الجفين ........... ننادي حسين
**********************************************
لمصيبتكم يبو اليمه ......... جرت كل المدامع دم
الصفا والمروه تنعالك ...... الركن ون وبجه زمزم
الك وبكل جفن دمعه ........ الك وبكل كللب مأتم
يظل مقصر اكبالك ......... المحب مهما الك قدم
يبو اليمه نناديك .......... شنقدم مانوفيك
تره مقصرين ......... ننادي حسين
*******************************************
أسامي شكد حوه التاريخ .... انمحت وي كل أثر دارس
لجن اسمك يبو الاحرار ...... بضمايرنه يظل هاجس
تظل بكل درب شمعه ........ وتظل بكل زمن فارس
عشكناك بكللب مجنون ...... عشك جون وعشك عابس
نحبك يابو الاحرار....... الك دوم احنه انصار
بعزم ماشين .......... ننادي حسين
**********************************************
أرضنه كربله يحسين ....... ويظل كل الزمن عاشور
عقيده وما نبدلهــــــه ........ علينه شما تمر دهور
وتظل آيه وتظل رايه ....... ترفرف وبأعالي الدور
شمس تبقه يبو اليمه ........ عله العالم تشع بالنور
نهج ذكرك لكيناه ......... درب واضح مشيناه
نظل كل حين ......... ننادي حسين
**************************************************
ونسالكم الدعاء
خادم اهل البيت .... شاكر الشمري

أرضنه كربله يحسين ....... ويظل كل الزمن عاشور
عقيده وما نبدلهــــــه ........ علينه شما تمر دهور
وتظل آيه وتظل رايه ....... ترفرف وبأعالي الدور
شمس تبقه يبو اليمه ........ عله العالم تشع بالنور
نهج ذكرك لكيناه ......... درب واضح مشيناه
نظل كل حين ......... ننادي حسين


عطر الله انفاسك عزيزي
على هذه القصيدة الرائعة والمباركة
وحشرك المولى مع الأمام المظلوم يوم الورود

كل الشكر لك ولجميل مانثرت من كلمات أدمت قلوبنا ونحن نستذكر هذه الواقعة الأليمة

عظم الله لكم الأجر
وبارك الله فيك

عطر الله انفاس
وبارك الله فيك وفي رائعتك
يالغالي وحشرك معهم
وتقبل شفاعتهم بك بحق محمد وأل محمد
تحياتي يالغالي

اللهم صل على محمد وال محمد
شكرا لمروركم الكرييم ام فيصل
وجعلنا واياكم من السائرين على
نهج الحسين ع
تحياتي

بارك الله بك اخي العزيز وآجرك بحق شهيد كربلاء الامام الحسين عليه السلام

الشيخ حيدر اشكر مرورك اخي الفاضل
وحشرنا واياكم مع الحسين ع
لك مني ارق التحيات

اسعدني تواجدك المتميز على صفحتي المتواضعه
لك مني ارق التحيات اخي عادل الورد