اسباب الخروج من منتدى الابوذيات

الى اخوتي واحبتي بالمنتدى ليس هناك زعل او قصور من احد ابداً لا والله كلكم بركه والردود محد مقصر بيها من قبل جميع الاعضاء والكم مكانه بقلبي الله يشهد لان يوميه جاي نتواصل كاننا عائله واحده لكن يا اخوان والله عز عليه من قريت تعليق شاكر الهلالي وايكول دزو ابوذيتي للارشيف او ابو حيدر ايكول صارت بيه قرحه من عدم الرد والله العظيم انه افتخر بين اصدقائي المدرسين من اكول رديت على الشاعر الفلاني وكلت كذا وجاوبني فلان وكال كذا وكلكم اعلام بالشعر ما شاء الله فجنت اتمنى من الشعراء مثل حضراتكم كون اكو تواصل بيناتكم بالردود وعذروني بس انه اخوكم الصغير وللاخوه حق عليكم على الاقل ان تفكرون برأيي اللي راح اطرحه
مثلا كتب شاكر الهلالي وجاوبه ابو حيدر بابوذيه اجه عباس الفرطوسي جاوبه ابو ليث ابو عقيل محمود سهام السومري الجبوري وغيره ما شاء الله كل اللي اشتركو يفتخرون كل واحد راح ايكول فلان كال كذا وفلان وفلان وفلان .... وآنه كلت هيج فكلها راح اتكون كمحصله لكل واحد من عدكم القاريء يحتار بالحكم ياهي الاحله وتصير عزيمه للشعراء للكتابه لان تعتبر كمنافسه جميله بالتاكيد راح اتزيد من قدرته الشعريه . الله اشكَد حلو لو افتح صفحه والكَه بيها اربع خمس ابوذيات تتبارى وحده ويه الثانيه هاي الامنيه اللي جنت اطمح الها لكن الان يمكن القاريء يقرأ بس الابوذيه وما يكلب الردود مع فائق التقدير والاحترام للاخوه اللي ما يكتبون ابوذيات ويشاركون كتاباتنه ويعلقون عليها لان الشاعر بحاجه الى تشجيع لكن الشاعر مثل حضراتكم وبهل مقدره الرائعه اشكد حلو لو جان رده بشعر اقوه من الاصل . واعتقد بقرارة انفسكم كل شاعر يتمنى هذا الشي وانتم اصحاب القرار وبيدكم اتسوون منتدى الابوذيات بدل ما يدخل اله خميسن مشاهد ايصيرون ميه ويمكن اكثر . فيا اخوتي الاعزاء اقسم عليكم اذا غلطان كلولي وانه اللي تامرون بي يجري لو على كص ركبتي وشكراً.

اخي عادل المنصوري
حشاك من الغلط وكلامك كله صحيح
لاكن يعز علينا ان نفارق شاعرا مقتدرا
بنيت عليه القوافي
سلامي لك والرحمه لاستاذك الاديب
ابي عندما ينطق لايجد احدا يتليه جوابا
شكرا لك مره اخرى لاحترامك المبادئ والقيم

اخي العزيز انه اضم صوتي لصوتك
وانشوف الاخوه الباقيين شنو رأيهم

انا اول واحد اشعر بالتقصير اخي الكريم بالنسبة للردود والله
والقصور ليس بسبب الاهمال او متعمد ولكن ضيق الوقت وشبكة النت التعبانه بالاضافه الى واجبات الاشراف والمراقبه
وانا شخصيا اتشرف بكل من يضع كلمه هنا
ارجو قبول اعتذاري واطلب من الجميع السماح
وارفض مغادرة المنتدى من اي شخص ومهما كانت الاسباب
شكرا لك اخوي الغالي عالموضوع المميز
تحيتي لك

احسنت اخي رئي رائع
وهذاكل مانتمناه ولاكن يااخي
والله مشكله اخاف اجي يزعلون الاخوه كلهم
بس عموماً انا اضم صوتي لصوتك 100|100
تحياتي لقلبك النازف
اخوك الشيخ

اقدم الشكر الجزيل للاخوة الاعزاء هدار والجبوري والشيخ ابو حيدر وانشاء الله نحن الان اربع اصوات وننتظر مشاركة الاخوة الباقين اراءهم سواء كانت بالموافقة او الرفض ولكم ولهم جزيل لشكر والتقدير

بالنسبه لست عضوه جديده على النت وانما بالفرات ولي مراسلات مع الكثير من الاعضاء في منتديات شتى واحيانا اطرح اسئله بسيطه على البعض منهم آخذ رايهم يعني بالشاعر الفلاني أو الشاعره الفلانيه
فيقول البعض والله أعلم بالحقيقه التي تصدر عنهم وانا آخذها محمل الجد بانها حقيقه واقعه ( عندما يرون عضو يكتب بقلمه ويبدع أكثر تتملكهم الغيره فيبخلون بالرد وعندما اقول اشكره على الاقل بكلمة شكرا فيقولون لا سيزداد نشاطا وابداعا ويكون له شان احدهم قال لا أرد انا ومجموعتي !!! اصدقاءه يعني حتى نحجم من قدرات ذلك الشاعر فيفشل ويترك المنتديات ربما وهذه حقيقه لمستها فصرت اتجول بين المنتديات اعاني من تلك السلبيات او الردود الباهته - هذا رايي وعلي ان اكتبه ولكن اتمنى من الجميع ان يتالفوا ويشدوا على ايدي البعض مع تحياتي

الاخت العزيزه والغاليه ايناس شكراً لمرورك اولا واهتمامك ثانياً
صدكَي اختي العزيزه المشكله مو بالردود كثرتها او قلتها لا والله لان هاي ما تقيم الشاعر. الفكره المطروحه هنا هي التواصل بين الشعراء بالابوذيات والردود عليهن بابوذيه ايضاً هذا اللي ننشده من الاخوه الاعزاء اما الردود ما شاء الله كثيره والحمد لله من الشعراء وغيرهم ولكن كلها كلمات تشجيعيه ومشكوريين طبعا عليها لكن نطمح من الاخوه الشعراء ان تكون ردودهم بابوذيات وشكراً لكي اختي الغاليه