قابليني

كابليني مكابل وخليني اشوفيج كبل ما درب العشك بجدامي ادوسة
ولاتظنيني غشيم وجيت احبيج انة خريج الهوى وهذا مدروسة
الخد شعاع ينور طوليج خيزران والوجة ساحر واحلة من العروسة
كربيت ايديج اليدي وكربت نفسيج النفسي وخلي نكرب بعد ونسويهة هوسة
صحيت يا ربعي انة محتاج حاجة وجو ربعي اجو كل واحد اللي جايب افلوسة
كلت يا هلناس انة مامحتاج كلشي انة من هذا الوجة رايدلي بوسة
يا ألمي ويا فرح عمري يا قيمتي وحجمي وسعري محبوبتي يا امي يا بوي
يا اخوتي وحزام ظهري يا احلى ناسي واغلى الاحباب يا صاحبي لو عكس دهري
يا بدلتي واحلى المناديل يا شيب راسي ومشط شعري يا ماي وجهي ونظر العيون
ونفاسي وريحتي وعطري يا خلكي يا تضحيتي بلناس يا جزعي ويا طول صبري
يا تعب عمري واغلى محصول وميلادي وزغري وكبري مكسور خاطر انة بلياج
وبشوفتيج ينجبر كسري ارد انطي لهليج هاي العيون وكبالهم يا حبيبة مري
ولو لحظة بعيوني يشوفوج جان بسماحة قبلو عذري حذروج مني هواي وهواي
من اطباعي من وضعي من غدري وضحكتي من كالوليج الناس وبعالي صوتيج كلتي ادري
هذا طفل وانة الاربي هذة حبيبي وكبر قدري يا ألمي ويا فرح عمري وج يا قيمتي وحجمي وسعري
لاكيني دوم بوجة زعلان وبخصان هاي الروح كسري ابقة انة احبيج وشتعل نار بماي وثلج مايطفة جمري
لو سعروج بسعر الاركاب وفلانة صاحو منهو يشري اصرخ وصيح بعالي الصوت ياسيوف هاج الركبة طبري
اجيتيج يالحبيبة وعايف الدنية اجيتيج يا لعزيزة مطلك الدنية ونة روحي على شوفيج طفلة محتامة
ياهو الكال اعوفيج يا اعز الناس كبليج بلعمر ياما شفت ياما
مكسور خاطر انة بلياج وبشوفتيج ينجبر كسري ارد اني لهليج هاي العيون وكبالهم يا حبيبة مري
ولو لحظة بعيوني يشوفوج جان بسماحة قبلو عذري جان بسماحة قبلو عذري






هاي لعيون الاحباب البعيدين عن العين لاكن مسكنهم القلب

ارجو ان تنال اعجابكم
رفيع التهذيب