مشاركتي الاولى اتمنه تنال اعجابكم

تحل حبل الوصل بيدك ... وناشد
وجديد الشعر اكتبلك ... وناشد
تراني امتابع اخبارك ... وناشد
لاكنك ابد ماتنشد عليه

بنار فركاكم يحباب... وريت
وعلى ايامي هلت لتراب ...وريت
جبت عمري ابتمني وعسى ...وريت
بعكس كلشي الاريده ايصير اليه

حبيبي بعطر زلفه ... طيباني
وجنت وجعان جفه ... طيباني
وجثيره الناس كالت ... طيباني
خشيم وصدكت بيهم خطيه

الوكت انصف مع الشامت ... وعلاه
وتركني وي الحزن اطرب ... وعلاه
الف داي الصفت بـــيه ... وعلاه
مثل جرحك جذب مامر عليه

ايد الهيل يخجل ... منتهيله
اهلال العيد وجهك ... منتهيله
اتراب اللـحدبيدك ... منتهيله
موش اتراب هيل اذب عليه

وحق من هاي دنيانه ... سواها
وبعدله البشركلها ... سواها
احلفت طول العمر ماحب ... سوها
ومن تطلب اجيبلها الثريه

بحر دمعي على فركاك ... ولاشاف
ريت الكلب ماحبك ... ولاشاف
طحت بمرض لاميت ... ولاشاف
اعالج والطبيب احتار بيه

عفينه وماعرفنه اسباب ... شطاك
وعطشنه وما شربنه بماي ... شطاك
كلي الوهدناك اتخون ... شطاك ؟
وشخذ منك ثمن جرمك عليه ؟

هذه مجموعه من الابوذيات اتمنى ان تنال اعجابكم
اخوكم
زين العابدين الforaten.net/?foraten.net/?foraten.net/?foraten.net/?foraten.net/?

حياك الله اخي الكريم
وحيا الناصريه واهل الناصريه في منتديات الفرات الغاليه
عاشت ايدك على الابوذيات الرائعه
تقبل مروري وتحيتي لك

ابوذيات حلوه يسلمو ابن الناصريه

شكراا اخي على التواجد الجميل
وردك الاجمل

لك مني جزيل الشكرر

وحكَـ اللي على الميمون من شد
الي حبل الموده وياك منشد
ليش اتكَول سيد آنه منشد
انشدت واتكَطع لساني عليه
مع تحيات اخوك
عادل كَاطع زهراو البصراوي