عرض للطباعة
أنه بهالدنيه وحدي وشايله احساس
خل ما عندي والمن اشكي الهموم
الفرح ساعات وانه بحزن ظليت
وعلى احزاني البشر شو ظلت اتلوم
@@@@
الكناري
انا ما اعوف خل اليرفع الراس
ولا اترك هـواه ويه التمني
اشيله فوگ راسي دون هالناس
واظل انشد عليه لو غاب عني
@@@
احنه الشعر ساحنه النه ونطش بيه
حروف بكل قصيده الـنه شواهيد
تعال ويانه نكـتب مشـرك الشور
حلاة الشعــر ايـد تكـون وي ايد
@@@
سهام الهلالي
أحيي السائل بكــل ما سألــني
واگله العين الك هيه وضواها
يبن جبور خالي ونعم البيوت
حـزتوا العاليه وشلتو لواهه
@@@
:66 (46):
سهام انتي الفخر للشعر نبراس
واظن اليلهمچ بالشــــــعر جني
شفت عندچ مهاره توگف الكون
وابد ما خـــاب لا مآ خـاب ظني
يطير النــوم من عيني والنعاس
يخاله ويـــــــن فنـــــچ وين فني
وانا اقرا بومضتــچ شيب الراس
وانا اكـــــــتب الــــچ قد زاد وني
سعدت بقرائتها كثيرا ..
سلمتم ايها المبدعون
سهام .. وابو ذنون
محاورة جميلة جدا
امتعتينا اختي الشاعرة المبدعة سهام الهلالي
لكما جميعا خالص تحيتي وتقديري
اقتباس:
المشاركة الأصلية كتبت بواسطة الكناري يونس الجبوري
كتبنالك شعــر ما يوفي وياك
يالشخصك عزيز وتسوه الردود
شهدلك قلــم رائع ينضح الوان
واذا آنه شهدتلك أكفي الشهود
@@
شكرا لمرورك ومداخلتك
اقتباس:
المشاركة الأصلية كتبت بواسطة سهام الهلالي
يونس الجبوري
اذا كل الشعر ما يوفي وياي
يويلي لعد آني شلون مگرود
واذا الالوان تشهد كلها وياك
لعد آني طريقي اليوم مسدود
@@@
+
سهام الهلالي
منو يكدر يسد دربك وانه وياك
خالي والنعم منك يبو الزود
مو مكرود وانت وحالتك توب
واليدناك اصيحن بيه فرهود
@@@
+
يونس الجبوري
انا الفرهود صاير بين الحروف
يربي دوم تبقى انت مسعود
انا اكتبلك شعر صدگني ما اشوف
وحرف الجر احس من خوفي ممدود
محاوره رائعه جدا بين مبدعي الفرات
احسنتم احسنتم مع احلى تحياتي 0
سهام الهلالي
ندري الجر جناسه يكون ممدود
خطيه موقعه جوه الاسامي
اذا انه ابتعد عن الاهل يوم
يرجعني غصب لهلي وعمامي
@@@
يونس الجبوري
ليـــش النكتبـه من عدنـــه يطير
ويلطشه بساع بسكوت الحرامي
ما يدري ان زعلنا نوگف الســير
وابد ما يشــــفعوله كل عمامي
؟
!
اقتباس:
المشاركة الأصلية كتبت بواسطة الكناري يونس الجبوري
كتبنه اشعارنه وبالاسم معروف
تركــنه الباب مفتوح اعله حيله
الحرامي يظل حرامي يبوگ مجهود
غـَــيــره وما إله لكل شي وسيله
000
تحياتي لك اخي العزيز 0