لو تقبل أنطيك العمر وأنطيك حتى عيوني ماأعيش لحضه بدونك تقبل تعيش بدوني

ألمن أسهر ليلي بعدك
وألمن أكتب وألمن أقره
وألمن أشكي هموم قلبي من تصير أيامي مره
أنت ماخذ كلشي مني
وعايش بنص عمري جمره
لادمع مر وطفاها
ولا نفع صبري الأصبره
ويااااااااااااااااااااااااااااغرامي وكل شبابي
وياااااااااااااااااااااااااااأعز وأحلى ذكره
أنت عمري ومنو ينسه عمره
أسمك بقلبي كتبته
وعالزند دكيته بأبره
وأنت موالي من أغني لو أحس بقلبي جمره

* * * * * * * * *

يالخايف من العشك وأنت العشك لونك
كلك حلو بلا عشك من تعشك أشلونك
حيران آني بمحبتك ومجنون بعيونك
لاتصيحني بأسمي بعد سميني (مجنونك)

* * * * * *

حرت يالغالي شكتبلك؟
حرت شرسل ؟ شوديلك؟
حرت مكتوب أبعثلك؟ لو أتصل وأحجيلك؟
حرت أخفي آلآم بيه؟ لو أصرخ وأشكيلك؟
حرت توفي الي مره؟ مثل مااني أوفيلك؟
حرت تبدي وترسل يوم؟ أذا ما اني أبديلك؟
حرت؟ والحيره دمرتني وما أدري شسويلك؟
وبعد الحيره والتفكير قلت أحسن شي أدعيلك.
( اللهي أحفظ حبيب ايات)

* * * * *

الك دار بدليلي عامره سنين @ وحق عينك فلا يسكنها ثاني
وألك جرح بدليلي و ما أداويه @ أريده يظل يعذبني وأعاني
وألك جنه بدليلي مخضره ورود @ تفوح أطياب لو طيفك أجاني
وألك نار بدليلي وباب من ويل @ ولا أكولن جمر حبك جواني
وألك مدري أيش ضيعت الحساب@أذا أنساك ريت الله عماني
* ** ** *

أحبك وأموت عليك وأكذب لو كلت معجب
كل شي البيك حبيته شنهو البيك ماينحب
يلوموني هلي وناسي مايدرون
كلبي من العشك شيب
بس واحد سلب هلروح حلو نازك مرتب
يستاهل أموت عليه شنهو الموت صدكوني العشك أصعب
** ** **

اذا قلتلك أعوفك أنا غلطان
اذا قلتلك أنساك كارثه تصير
لأن حبك يختلف مو كان ماكان
من بين الأعز هم فرقك جبير!!!
بحر عينك بلع مليون سفان
وعلى أرموشك هوت كل العصافير
وعلى شفافك نضج سبعين بستان
جمالك ينكتب بس بلأساطير
كتبت كلمة أأأأأأأأأأأحبك على الحيطان
بدم قلبي كتبتها مو بالطباشير

** ** **
منقووول

شكرا لك اخت آيات على النقل المميز والذوق الرائع
تقبلي مروري
وتحيتي لك



تنقل للشعر الشعبي
مع التقدير

عاشت الأيادي عزيزتي آيات
انتقاء جميل وذائقه مميزه
لكِ ارق التحايا

شكرآ للكناري يونس الجبوري والسومري 71 على مروركم العطر
نورتوا هذه الصفحه المتواضعه
تحياتي أختكم ايات

تحياتي لك يالغاليه
قصيده قمه في اللروعه الله
لايحرمنا هذا المداد الجميل تقبلي
ودي يسبق ردي
ختيار وذوق رائع تحياتي

شكرآ لمرورك ابو حيدر
تحياتي لك

عشتي آيات ودام تواصلكي
الله يزيح عنكي الهم والكرب يالله
ويفرحكي بالسعاده ويهني قلبكي الجريح
تقبلي مروري ولكي مني احر السلام والتحايى
هدار المنصوري

شكرآ لك أخي العزيز
تسلملي يالغالي على هذه الكلمات الجميله
وعلى المرور العطر تحياتي لك