قصيدة في حب مدينتي ..... بقلم احمد رفيش

بسم الله الرحمن الرحيم
...... تحية طيبة ومعطرة ببركة الصلاة محمد وال بيت محمد ص
احبتي ... اخوتي واخواتي .... احببت ان اطرح هذه القصيدة في حب مدينتي وهي قضاء المناذرة ( ابو صخير ) فاسمحوا لي ان اجعلها في ديوان مسامعكم فتقبلوا تحياتي وتقديري .

يامحلى حياتي ابين هاي الناس ..... ويامحلى الوجوه البيها كل الخير

كل ابيوتهم ضاغوها فــد ابيت ..... وكلة ابيت واحد صــار ابو صخير

****

مدينتة انزرع بيهـــا الأمل والطيب ..... ابوصخير ابمودة ورود زرعتنـــــــه

عاين وامتعن تلكة الف برهــــــــان ..... باحضان المحبة اتغطي لهفتنـــــــة

بيها كلوب تنبض بسم ابو الحسنين ..... وبيها انفاس يم حسيــــــن جرتنه

وبيها دموع رسمت للنهــــار الليل ..... وجم لوحة ابعجب شهدت محنتنه

هاي الفكرة مخلوقة الكمر عدنــــان ..... منه احنة اقتدينة بجفةلمتنـــــــه

مد عين الحقيقة اتشوف بيها اشكال ..... ميادين المودة الخـــــــــوة رايتنه

لابالك يروح ومظهر انت اتكـــــول ..... بيها شهود هم مشهودة سمعتنة

بيبان الكرم مفتوحة من كل بيـت ..... رغم البيت واحد دلة صبتنـــــة

فناجين المضيف الروح يا مــــــولاي ..... والشيخ الجبير يصير دلتنـــــــة

فراشات وتطوف بنخل طيب الذات ..... هاي النــاس كلها بفي مدينتنة

خادم اهل البيت عليهم السلام

الشاعــــــ foraten.net/?foraten.net/?foraten.net/?foraten.net/? رفيش ــــــــر

3/10/2010

احسنت
والنعم منك ومن اهل ابو الصخير جميعا
نسأل الله العلي العظيم ان يحفظ العراق وشعبه من اقصى شماله الى اقصى جنوبه
كلمات جميلة ونابعة من قلب عراقي محب لأرضه واهله

بارك الله فيك
ودام لنا هذا العطاء المتجدد
مع تحياتي

ام فيصل .... الاخت الغالية ....
شكرا لمرورك الكريم ولانارت صفحتي هذه بابتسامات كلماتك العذبة واسال الله ان يرعاكي ويوفقكي بحق ال بيت رسول الله محمد ص