ابوذيات كشكول

ها تعبني حبك ها اذاني
دخت ها يا صلاتي ها اذاني
اكول التوبة ما احب هاي اذاني
اهد ذاني ويرد حبك علية




شفنه من عمرنة شفتهمنة
وهمنة كبال عينك شفت همنة
ذبحنة ووفوك ذبحة شوف تهمنة
يكلهم بالذبح تعبولي ادية



يدنيا وياي بعد وبعد جدي
وعلي صيحي بعالي الصوت جدي
هجمتي بيت ابوي وبيت جدي
وانا بلا بيت شتهجمين الية


الليالي اهلسن راسي ماشعلني
يضيمي من اشوفك ماشي عني
فراكك جمر يسعر ماشعلني
شعل حتى الذي يمرون بيه


شلعت مني وابد ما فاد شلعاك
ورجعت تلوع ليش تلوع شلعاك
ينابت بالكلب مو سهل شلعاك
من اشلعك ينشلع كلبي بدية

روعة وتحفة من التحف الشعرية القيمة في مجال الابوذية

اتمنى لك التوفيق

انتة الروعة وربي يسلموووووووو على مرورك نورت الموضوع