البصره/ للشاعر المتألق سيف الحلفي

علمني الوكت من أحجي طگ بطگ
ومازامط چذب لو چان مابيه

ولو ساكت أظل لو أحچي چلمة حگ
وما أمشي ابدرب مجهول تاليه

ماگلك غشيم ولآنه المدگدگ
أفرزن بالحچي وأفهم معانيه

ولساني عدل والكلمه ماتزلگ
والچلمه بشفافي تصير ورديه

الرابي اويالبدو بالبن مايشرگ
خوفك عالكبر وبحلگه مميه

شفت ناس شكثر ماتمشي بس بالدگ
وشفت ناس اعلى راسي اتصير بيريه

آنه ابن التفگ لوصار وكت الطگ
وآنه ابن الكرم لوضيف مر بيه

ابن شط العرب سباح مايغرگ
وأبحر الشعر يرسن قوافيه

ابمنگار الصگر شديت رجل الرگ
لان شفت الصگر عالي بشواطيه

عذري الهوى صادق أنا اذا اعشگ
وإذا افكر أحب كون الا بصريه

لأن حتى الصخر بالبصره هم يعرگ
وتراب الشوارع يحچي أبوذيه

من حقي أفتخر بالبصره ساسي اندگ
ومن دون الاسماء البصره علويه

من صار الوطن بالعيد وجهه ازرگ
ابدم اكبر ولدهه اتبرعت هيه

البصره أم ولد بالعيد ماصفگ
لأن انطه لبلاده چفوفه عيديه

أفصل الليل شيله وشرط ماتعتگ
وأصوغ امن الگمر للبصره ترچيه

بالبصره وأحن للبصره وإلهه اشهگ
ومابدل الدنيه ابتمره برحيه
...............

مماراق لي كثيرا

الله الله عليك اختي العزيزة ام علاوي
انتقاء مميز وكلمات تسحر القلوب
لاعدمنا هذه الأطلاله المميزة
لكِ ارق التحايا

السومري اسعدني انها راقت لك
شكرا للحضور العطر اخي
لاعدمت تواصلك
لك ارق التحايا

احسنتي الغاليه ام علاوي
ماراق لكي راق لي الف تحيه
للذوق وللانتقاء المميز كوني بخير
يالغاليه

الله الله عليج يا غاليتي ام علاوي
اختيار جميل وراقي
مثل ما رقت لكي رقت لي كثيرا
تسلمي على هذا النقل الراقي
وعاشت الايادي
تحياتي لكي والى كل اهالي البصره

علمني الوكت من أحجي طگ بطگ
ومازامط چذب لو چان مابيه

ولو ساكت أظل لو أحچي چلمة حگ
وما أمشي ابدرب مجهول تاليه

الله عليك يام علاوي الوردة على هذا الانتقاء المميز وعاشت الايادي والله انها كلمات في الصميم تعبر عن البصرة وطيبة وكرم واخلاق اهل البصرة كغيرها من محافظات العراق
دمتي لنا مبدعة وراقية
مودتي لكي

مثلما راقت لك ياام علاوي
قد راقت لنا ايظا شكرا لهذه
الذائقه الرقيقه

انتقاء مميز ام علاوي سطور رائعه ومفعمة بحب البصرة الفيحاء

الف تحية لك ولانتقائك المميز