يبو الكاظم ع , لمولاي جعفر بن محمد الصادق ع

يبو الكاظم على مصابك ونيني يطول ... وعلى الداست عليه بالغاضريه خيول

تهد حيل القلب يا سيدي الوننه ... وعلى كبرك يجعفر روحي تتعنه

وعلى الداست عليه بالغاضريه خيول


ــــــــــــــــــــــــــــــــــــــــــــــــــ ــــــــــــــــــــ

بجينه وما تلم دمع الموالي بحور ... بيت الزهره بين مسمم ومنحور

يبن من هد على روس الطغاة قصور ... ينعالك قلب رغم البعد ويزور

بخيت اليوصلك وبعطرك اتهننه ... وعلى كبرك يجعفر روحي تتعننه

وعلى الداست عليه بالغاضريه خيول

مصايبكم فلا صارت ولا دارت ... عليكم ال اميه ومن تبع جارت

اذكرك عالعقيله الدنيه من غارت ... صفت بين الجثث والمشرعه احتارت

تنادي من الاهل مامش بعد ضننه ... وعلى كبرك يجعفر روحي تتعننه

وعلى الداست عليه بالغاضريه خيول

لكيت المر عليكم عالعجب اعجب ... بعض منكم يسير وبالنعش ينسب

وبعض بحشاه سموم اهل الغدر تلهب ... بعض بالغاضريه بدمه مخضب

وشمت راس النفاق بيومك وغننه ... وعلى كبرك يجعفر روحي تتعننه

وعلى الداست عليه بالغاضريه خيول

منو غير الحياده الينذر سنينه ... ويسد عين الشمس بمحمد ودينه

ويذل اهل الكفر ويدوس اعادينه ... الاهي اشهد لابو اليمه موالينه

ونضل نصرخ فده احنه لسيد الجنه ... وعلى كبرك يجعفر روحي تتعنه

وعلى الداست عليه بالغاضريه خيول

يطويات الهظم ومكدرات البين ... ما يبره الحزن لام الحسن وحسين

حك منهه انغصب ومهشمه الضلعين ... وبضربة حقدهم دم تهل العين

طيور الجنه محسن حيل يبجننه ... وعلى كبرك يجعفر روحي تتعنه

وعلى الداست عليه بالغاضريه خيول
رحيم الحسناوي

اللهم صل على محمد وآل محمد وعجل فرجهم الشريف

عطر الله انفاسك عزيزي
على جميل هذه الكلمات المباركة
والقصيدة الولائية

جعلها الله في ميزان عملك
وعظم الله لك الأجر

اللهم صل على محمد وآل محمد وعجل فرجهم الشريف
نعزي قائم الأمة مولانا صاحب العصر والزمان اللهم عجل فرجه الشريف
بمناسبه استشهاد عالم آل بيت محمد امامنا جعفر الصادق عليه سلام الله

اخي رحيم
طيب الله انفاسك وجعله في ميزان حسناتك
دمت برعاية الله وحفظه

احسنت عملا جعله الله في موازينكم وانالك اجرا عما عبرت ياطيب