يالمهـــــــــــــــدي حـــــــــــــان الثـــــــــــــــــــــــار

(( يالمهدي حان الثار ))


يالمهدي حان الثــار ... تنتــظرك الأنصـــار
چايـمتــــه تظهــــر ... ياشــــــبل حيــــــدر
تنتظرك الأنصار
************
يالمهدي مل منا الصبـُرطالت علينـه الغَيبــه
مابين لوعـات وألم ضــاع العُمــر تدريبــــه
وتكالبن يأبن الحسن محنه وهضُم ومصيبــه
أحـزان ســكنت بالجســد والكَلُب زاد لهيبــه
والهـم تفجــــــــــــر ... ياشـــــــــبل حيـــدر
يا كعبــة الاحــــرار ... تنتـظرك الأنصـــار
************
يالمهدي أشـكيلك ألم يوم الســـقيفه وحـــــاله
لوأشــكي كَوم الي حرِكت دارالوصي بعياله
أدريـك تعـلم بالضلع والمحســــن وجتـــــاله
وهم تعلم بـذاك الهجـم عالـدار وي انـــــذاله
عنــدك المصـــــــدر ... ياشـــــــــبل حيــدر
يامنهـج الثــــــــــوار ... تنتــظرك الأنصـار
************
يالمهـدي بالطف الجـره ماشــفنه مثـل أيامـه
عيلة أبن ســيد الرسُـل عُگب الولي منضامه
أطفـال مســـــبيه وحـرم ودموعهه الســجّامه
حتى الرضيع البلمهد بالســهم صـار فطامــه
شـــشرحـلك أكثـــــر ... ياشــــــــــبل حيـدر
سل ســــيفك البتـــار ... تنتـــظرك الأنصـار
************
يالمهـدي أذكـرلك خبـرهالخبــرشــل أحوالي
من طاح شـبل المرتضى طاحت الدنيه كَبالي
ثـَنه الشمر فوگ الصـدر يكَطع أبنحـر الوالي
لن راس أبن سـيد المله منصوب فوگ العالي
وأطفــــــــاله بالبــــــر ... ياشـــــــبل حيــدر
تصرخ يحامي الجــار ... تنتظـرك الأنصـار
************
يالمهدي زينب بت علي أم الخـدر معروفـــه
للشـام تمشي ميسـره ولحسين جثـه أتعوفــــه
وخلّت الكافل عالنهر مطروحـه يمـه چفوفــه
تاليها يحديها النذل ياأبن الحســـن للكوفـــــه
أعليــها يتجســــــــــــر ... ياشـــــــبل حيـدر
منهــا الدمـع مـــــدرار ... تنتظرك الأنصار
************
يالمهدي يايـــوم اليشع نـورك عله المعمـوره
ونشـــوف رايات الظفر بيدك ترف منصوره
وتهدّم أعروش الظُلُم تهزم البـاغي وجُـــوره
وتحاسـب الي خالفت حُكم النبي ودســـــتوره
والصبـُــــرأثــــــــــــــر... ياشــــــبل حيــدر
غيــــرك فلا نختــــــــار... تنتظرك الأنصـار
************
بقلم / ســعد مطلوب الخفاجي
</B></I>