ياأني الما فضلت نفسي على خوي

أدين النفس مره مره أجلها
وأدري الحما اتتها مره أجلها
أضن تايه حماها مره أجلها
اليمر بيها بعلها يصير هيه
**************************************
يا كمره حياتي وانت اهلهه
اروجلك دمعتك وانت هلهه
لمّتنه اتباهه وانتو اههله
بشيمتكم يمن كلكم حمية
****************************************
عيوني من البواجي عليك صفن
يالجمالك عذب الخلك صفن
تمر واحنة نكف يا خلك صفين
صف ينحني وصف ياخذ تحية
***************************************
شعجب دفتر عشكنه ماتكلبه
وليش انت اليكلبك ما تكلبه
ترى كلبي بغيابك مات كلبه
كلب كلبي توفه وعم عليه
**************************************
مرمر
صبرت عليك صبر ايؤب مرمر
والك منزل بنص الكلب مرمر
حنضل لو سكيتة بعسل مرمر
العسل شيفيد للذاتة ردية
*************************************
نار فركاكم بالگلب ماجن
وعليكم زين عندي عقل ماجن
رسايلكم عجب لليوم ماجن
السبب شنو كطعتوهن عليه
**************************************

ياأني الما فضلت نفسي على خوي
وانه العالي اذا كالوا على خوي
ولو مرتاح بس عيني على خوي
اذا مهموم همه يصير بيه
**********************************
اريد اكصد هلك واروح بجاي
وعليك الكلب بيله يلوب بجاي
وحياتك لو تجيب الزهر بالجاي
اجرعه وما يتم كل الم بيه
********************************
تناهي العمر والمكصود ماتم
ولعند الغانمه بهل الناس ماتم
يحكلي انصب على الطيبن ماتم
ولا واحد بكه ونكد فيه
********************************
حبك سره بكل اعضاي دوره
غالي والك بالشريان دوره
واذا شكيت كاك الگلب دوره
اذا غيرك لگيت اعتب عليه



م ن ق

ياأني الما فضلت نفسي على خوي
وانه العالي اذا كالوا على خوي
ولو مرتاح بس عيني على خوي
اذا مهموم همه يصير بيه

****
اي والله يسلم انتقائك خوية وصح لسان الشاعر
ابوذيات رائعه
تمنياتي لك بالموفقية
تحياتي

تسلميلي اختي الورده على الرد الجميل
نورتي الموضوع
ربي يحفظج
تحياتي

ياأني الما فضلت نفسي على خوي
وانه العالي اذا كالوا على خوي
ولو مرتاح بس عيني على خوي
اذا مهموم همه يصير بيه


باقة جميلة ورائعة عزيزي
عاشت ايدك وماننحرم روعة انتقاءك
كل الشكر واطيب الأماني لك بمزيد من الابداع
مع تحياتي

مشكوره يالغاليه على المرورالجميل
منوره الموضوع
ربي يخليج
تحياتي

احسنت حبيبي الامير
تحياتي لجنابكم الكريم

نار فركاكم بالگــــــلب ماجن
وعليكم زين عندي عقل ماجن
رسايلكم عجب لليوم مـــــاجن
السبب شنو كطعتوهن عليه

الامير العراقي
مبدع في انتقاؤك الاجمل والاروع من الابوذيات
لروحك باقات من الياسمين
تقبل مروري المتواضع
طووووووووووبة

حلو يااميرنا الغالي
تحياتي لك حبيبي