مغرورة//للشاعر الميساني الميدع كريم الرسام.
احتفض بهذه المعزوفة للمبدع الميساني الاستاذ كريم الرسام منذ اكثر من عشر سنوات.. وقد غناها المطرب الميساني علي الرسام ومسجلة على كاسيت..وتنشر لاول مرة في المنتديات..اتمنا ان تنال اعجابكم.
((مغرورة))
ما الومج بعد ماتسوه حسبت لوم
يالعفتي الحنان ورحتي للذلة
اسلوبج اعرفه وماكو شي مضموم
ورسمج بالظلام مغمض أندله
جرحي شماكبر يسهل علي ويهون
ولا ايدج تضمده بيوم وتشله
رفعت شراع صبري وأبحر بلياج
ومنج كافي كلبي يريد يتخله
طلكَت الظلام الجنت عايش بيه
ما اقبل غرورج بيه يتسله
كشفت أوراق غدرج اعرف شما بيج
لغزج مو صعب يسهل علي حله
عانيت الأمر منج وأريد أنساج
لأن أنتي عجيبة اشلون من مله
أحس براحه انه وأنتي عني بعيد
وأيام العمر تتورد وتحله
جنت عايش ظلام وأنتي بي كابوس
ونموذج مثلج بهاي البشر قله
وجودج في حياتي ذنب مامغفور
وعذاباتي وضياعي ولوعتي وعله
ومجبور من اشطبج من حياتي الآن
تدرين بعذابج شأخذ وشخله
من عمري الكَظيته وياج بس آهات
مامجبور أجازف بالعمر كله
يبت الناس كلمن في طريقه يروح
واخذي اللي الج العنب والسلة
مغرورة الغرور البيج ميخليج
ودربج مو صعب والأعمى يندله
من طبع الجذب مايخدم الإنسان
ولايوم السفح عالجبل يتعله
يالعمرج ضياع وأنتي غيمه صيف
وعلى بعضج غلط واحجايتج زلة
ظنيتج حقيقة وبيج طبع إنسان
شيصحي ضميره الينكت أبخله؟
اتحملت الذنوب وكلت ايجوز
الذنب اللي عدهه اتقره وتمله
ما اجرعج بعدما بيهّ عالشوغات
أذا اجرع النخلة شيجرع ألسله؟
هذا أخر كلام وقررت أنساج
احجيهه بصراحة وارفض ألذله
************
للشاعر الميساني
كريم الرسام
مع تحياتي
الشاعــــــــــــــــــــــــــــــر
جلال البطاط
رد: مغرورة//للشاعر الميساني الميدع كريم الرسام.
الله يا حبيبي على هذا الاسم والقامة الكبيرة
الرائع عزيز الرسام شكرا استاذنا..مع ودي شوك
رد: مغرورة//للشاعر الميساني الميدع كريم الرسام.
كلمات جدا جميله سطرتها انامل محترفه ونقلها شاعر مبدع
اسجل اعجابي بطرحك المميز
وشكرا لك على النقل الجميل اخي الكريم
تقبل مروري
طال عمرك
تحيتي لك
رد: مغرورة//للشاعر الميساني الميدع كريم الرسام.
كلمات جميله لامست القلوب بعذوبتها
فشكرا لهذا الأنتقاء المميز
تحياتي لك وللشاعر الميساني كريم الرسام
رد: مغرورة//للشاعر الميساني الميدع كريم الرسام.
فعلا معزوفه جميله لناقل اجمل
تحياااااااااااااااااااااااااااااااااااااااتي
رد: مغرورة//للشاعر الميساني الميدع كريم الرسام.
اقتباس:
المشاركة الأصلية كتبت بواسطة شوك الشفايف
الله يا حبيبي على هذا الاسم والقامة الكبيرة
الرائع عزيز الرسام شكرا استاذنا..مع ودي شوك
تسلملي ياوردة ع المرور....تحياتي الك.
رد: مغرورة//للشاعر الميساني الميدع كريم الرسام.
اقتباس:
المشاركة الأصلية كتبت بواسطة الكناري يونس الجبوري
كلمات جدا جميله سطرتها انامل محترفه ونقلها شاعر مبدع
اسجل اعجابي بطرحك المميز
وشكرا لك على النقل الجميل اخي الكريم
تقبل مروري
طال عمرك
تحيتي لك
تسلملي حبيبي الكناري ع المرور الكريم والرد العطر...تحياتي الك يامبدع.
رد: مغرورة//للشاعر الميساني الميدع كريم الرسام.
اقتباس:
المشاركة الأصلية كتبت بواسطة السومري71
كلمات جميله لامست القلوب بعذوبتها
فشكرا لهذا الأنتقاء المميز
تحياتي لك وللشاعر الميساني كريم الرسام
مرورك هوة الاجمل حبيبي السومري....تقبل تحياتي يامبدع.
