إتلفت خايب تعال وشوف تلفاي
أون وصارلي الشوغات تل فاي
ولك ردتك تبيض الوجه تلفي
مو تجفي وتبيض الراس اليه
إنوليت وحشمتكم شاب والشيب
ونار إعداي بيه أسعرت والشيب
فزع بس الدمع وياي والشيب
طلع من شاف مابيكم حمية
رخه جسمي على مودك من رخصتك
وسوماً بيك غالي من رخصطك
دست فوكي دكلي من رخصطك
حتى براحتك تسحك علية
ظميت وطارش بحورك ميانه
وجيت أشرب من شفافك ميانه
لكيت الشامة وي خدك ميانه
تحجي وتاكل وتشرب سويه
يحومي طير شوكي لسماوه
يطك بالثرى ويصعد لسماوه
دفعت الجسد كوة لسماوه
وعفت روحي بكراج الديوانية
تحياتي لكم جميعا ً يالغالين:66 (46)::66 (46):
