دارمي في بيت شعر

وهي عباره عن بيت شعر واحد بكلمات شعبيه بسيطه ...بس معبره
ينتهي الصدر والعجز بقافيه واحده
اتمنى ان تنال الاعجاب

اكعـــــــد واسولف بيك واتمنى اشوفك *** وشما عملت وياي لاتظن اعوفك

اصفن واحاجي الروح وين احنا جنا ***هم ترجع الايام ويلتم شملنا

جتفت روحي جتاف حسبالي تنساك ***من روحي طلعت روح وتكلك اهواك

عالحشر تنشد ليش ماتدري يمتى ***الحشر عندي يصير من تبعد انت

روحي بسرير الموت تنشدني عنك *** وتقل لي ليش هواك متبري منك

لو قلبي لحظه وياك خان بمعزته *** ازرعله ست عبوات واشعل صفحته


ليش انت وياي دوم ماعندك انصاف ***قلبك صخر جلمود من الله ماتخاف

من دجله اريد ارويك ومن ماي العيون ***كول وبعد شتريد هم آني ممنون

يمتى الغيوم تزول عن سما بلادي *** وآخذ نفس وارتاح وانزع سوادي

خاف الله يالمريت ما كلمتني*** ليتك حجيت وياي لو شتمتني

خلت القلب ينساك ساعات الفراك***ثاري ال*** جذاب بس شافك اشتاق

متعجبه هالنسوان براغب علامه *** داخل حسن يسواه ويسوى عمامه

للامانة منقول مع تحياتي

خاف الله يالمريت ما كلمتني*** ليتك حجيت وياي لو شتمتني
الله الله ...
اكعـــــــد واسولف بيك واتمنى اشوفك *** وشما عملت وياي لاتظن اعوفك

جميل يا روعة ..ولك وافر محبتي.

شكرا الك وعلى مرورك يالغالي مع تحياتي

شكرا الك ياناصري منور الصفحة بمرورك تحياتي لك

عاشت ايدج عزيزتي
اختيار رائع
شكرا لك ولجميل تذوقك
ودام لنا مدادك وتواصلك

كوني بخير دوما
مع تحياتي واطيب امنياتي