ومضات شعرية روووووووعه

مو طبع الجبل ينجر بل اجبال
ولا طبع الاسد يحتاج حارس
ومو كلمن ركب عل خيل خيال
ولاكلمن يشيل السيف فارس
ومو كلمن لبس عگال رجال
الزلم جوهر تره مو بل ملابس
اذا تحسب زلم وتميز ابطال
البطل بس انته تبقى بلا منافس

فرق بين الزغير وداسته اجدام
وفرق بين الكبر مالمته عيون
طبع بالفاس ويه الشجره عدوان
وتموت الشجرة لعيون اليكطعون



لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها



تفاحات عدك حركن خد الزيج
بالله الياحلك لوردت تنطيهن
الجايع من يفرهد چن تعذره الناس
خل حراس يمك حتى تحميهن
واذا تسمع حظر تجوال ظل بالبيت
لان حته الحظر ظل صافن اعليهن



ألف ليلة عسل عشناها آني وياك
و الليلة إلّي مضت اظن معروفه
نگضيهه حضن و نطابك الشفتين
و نغني و نسولف أحلى سالوفه
يالحسنك عجيب و ما اظن موجود
إذا تطلع نشوف الشمس مكسوفه
و خطية الگمر يبچي و يون تالي الليل
حدر الغيم يختل صابته الخوفه



اريـد اني اشوفك واني ماريـد
واضل صــافن عليك وهالكـــلب وجر
عيني شكد تحـــــبك اكثر من العيد
واخافن من اشوفــــك يصعـد السكر



أباوع بالوجوه ...أمزنجره من الظيم
بس وجهك أشوفه يلالي بشمسه
تعبني الصبر ...والحزن بيه جبال
وجبال الحزن بالروح منغرسه
طايح من أمس لليوم ...وعيون الشماته بحالي متونسه
أوديلك جرح ...ما نزف دم والله
ظل ينزف صبر حد ماكطع نفسه



تعال وخل أذَكرك ماضي الك وياي ..
غفت چم مره روحي ابين ذرعانك ..؟

وتعال وخل أَذَكرك .. يمكن انت انسيت ..
شم عطر الوفه تلكاه ابقمصانك

وتعال وخل أَشَوفك بالگلب نيشان ..
من توصل لگلبي اتشوف نيشانك



شوصفك والوصف وياك محتار
لان انت دوووم سابيني
احبك يــــاجرح ماريدك اطيب
والجمك واستلــذ لمن تبجيني





علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه

منقوووول

مو طبع الجبل ينجر بل اجبال
ولا طبع الاسد يحتاج حارس
ومو كلمن ركب عل خيل خيال
ولاكلمن يشيل السيف فارس
ومو كلمن لبس عگال رجال
الزلم جوهر تره مو بل ملابس
اذا تحسب زلم وتميز ابطال
البطل بس انته تبقى بلا منافس

الله عليك اخي
جميل اخترت
وجميل ما نقلت لنا من كلام له معاني كبيره
عاشت ايدك وان شاء الله دوم الابداع والتالق
تحياتي لك

عاشت ايدك على النقل الرائع
لا عدمنا هالتألق
تقبل مروري طال عمرك
وتحيتي لك

مو طبع الجبل ينجر بل اجبال
ولا طبع الاسد يحتاج حارس
ومو كلمن ركب عل خيل خيال
ولاكلمن يشيل السيف فارس
ومو كلمن لبس عگال رجال
الزلم جوهر تره مو بل ملابس
اذا تحسب زلم وتميز ابطال
البطل بس انته تبقى بلا منافس

عاشت الأيادي على هذا الأنتقاء الرائع
ننتظر جديدك
تحياتي

تفاحات عدك حركن خد الزيج
بالله الياحلك لوردت تنطيهن
الجايع من يفرهد چن تعذره الناس
خل حراس يمك حتى تحميهن
واذا تسمع حظر تجوال ظل بالبيت
لان حته الحظر ظل صافن اعليهن



الله يا ياجميل شكرا لك ولابداعك..مع حبي.

علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه

احسنت عزيزي على جميل هذا الإختيار
وكل الشكر لك وللتذوق
كلمات جميلة ومعاني ازدانت بها السطور
لاحرمنا هذا التألق
وننتظر منك المزيد

مع اطيب تحياتي