شوك الحمام ..للشاعر ابو سرحان

حسنج كَمر...
لو شمس …
لو فرحه لو زفّه
خليني حدر الزلف …
ترجيه
أرد أغفه
يلماي وين النبع … ؟
مدفون بالشفه
وشوق الحمام ابهيد …
والونه ترفه
يلرمشه بستة فرح …
وعيونه تجليبه
يلطوله نايل عشق …
والشعر مدري به
مجتول من صيد أمس
من كثر تعذيبه !
وشوق الحمام ابهيد ..
والونه ترفه
* * *
حفنة غوه بكل رمش ..
والنظره حدّاري
ونهود زوم امتلن ..
مشحوف عشّاري
كلما أكَولن عفت ..
أرجع أويه الجاري
وشوق الحمام ابهيد …
والونه ترفه
* * *
آنه أشتري بالعمر …
ضحكه بحلم منّك
وأنساك كونك تحب ..
بس لا أغيظنّك
وأبكَه أسحن ابكل نفس
ظلعين حبنَّك
وموت الحمام ابهيد ..
من جور ولفه
* * *
شوغب يدرب النفس ..
منجل الفركَه وعرض
وروحي بجفك صفت ..
سبحه وخرزهه النبض
لا ميّت ولأيَّست … ولاني أحس بمرض
ونوح الحمام ابهيد …
من ضيم ولفه !!
* * *
شد وبري فوق الزلف …
وبحسنه متغاوي
مدري الخدود الضون ،
مدري الكَمر ضاوي
مدري بنوره احترق ..
مدري الكَلب داوي
وموت الحمام ابهيد …
من جور ولفه
* * *
شابجت ليل وصبح لعيونك اسوالف
والفني بس بالحلم …
يلحلمك امخالف
انته المعاند صدق .. ؟
لو حظّي الزالف !
وشوق الحمام ابهيد .. والونه ترفه
* * *
ذبلن وعود العشق بشفافك ..
وماتن
وطيور حبنه ارحلن ..
وي طيفك وتاهن
وكل المهاجر اجه، وكَلبك بعد ما حن
وشوق الحمام ابهيد ..
والونه ترفه
* * *
كاروك …
هودج ..
نعش، والدنيه مكَضيّه
* * *
شوغب يدرب النفس ..
منجل الفركَه وعرض
وروحي بجفك صفت ..
سبحه وخرزهه النبض
لا ميّت ولأيَّست … ولاني أحس بمرض
ونوح الحمام ابهيد …
من ضيم ولفه !!
* * *
شد وبري فوق الزلف …
وبحسنه متغاوي
مدري الخدود الضون ،
مدري الكَمر ضاوي
مدري بنوره احترق ..
مدري الكَلب داوي
وموت الحمام ابهيد …
من جور ولفه
* * *
شابجت ليل وصبح لعيونك اسوالف
والفني بس بالحلم …
يلحلمك امخالف
انته المعاند صدق .. ؟
لو حظّي الزالف !
وشوق الحمام ابهيد .. والونه ترفه
* * *
ذبلن وعود العشق بشفافك ..
وماتن
وطيور حبنه ارحلن ..
وي طيفك وتاهن
وكل المهاجر اجه، وكَلبك بعد ما حن
وشوق الحمام ابهيد ..
والونه ترفه
* * *
كاروك …
هودج ..
نعش، والدنيه مكَضيّه
والعمر شوق وألم وآمال ورديّه
منك وفه إلدمعتي ..
ومن كَلبي حنيّه
وزق الحمام ابهيد ..
شفه بطرف شفه

جعلت للبوح معنى آخر يدخلنا إلى عوالم من الجمال و المتعة و الدهشة
ما أجمل ما نزف يراعك هنا
دمت بكل خير

الله الله الله قصيدة تجنن كلش حلوة وعاشت ايدك على مانقلت تحياتي الك

كلمات رائعه
شكرا للنقل المميز
اختيار موفق
ووووووووووودي

البغداديه

شكرا لكم على تشريفكم مشاركاتي