قصة فتاة مسحورة000تناشدكم الحل

السلام عليكم
موضوعي جاد جداً واتمنى من الجميع يأخذونة بجد ويتعاملون مع الموضوع بأنسانية واخلاص
رح ابديلكم بالقصة من البداية حتى تفتهمون عندي بنت خالتي عمرهة 26 سنة وممزوجة لحد هسة مع العلم انه هية مينقصهة اي شي يعني من اذكرلكم انه ممتزوجة فمو مثل اي بنية ممتزوجة لان هاية البنية بحياتهة محد متقدملهة ولا شخص ابدا على الرغم انه هية من عائلة معروفة جداً و شكلهة جميل جداً وهذا شي الكل يشهد بي وخريجة كلية والعائلة تمتلك علاقات واسعة جداً ودائما اكو ناس يجون يحجون يمنه ويم غيرنة انه همة يردون يرحون يتقدمولهة بس فجأة يغيرون رأيهم حتى اكو قسم منهم راحولهم للبيت بس رأساً يطلعون وميرجعون بعد وكأنه اكو شي ديصدهم و المشكلة انه هاية البنية تحلم دائما احلام غريبة مال جن او حيوانات كلاب وقطط يعني احلام مخيفة واكو هواية ناس كالونة انه ابلنية مسحورة واحنة نعرف انه اقاربهم معروفين بهاي الاشياء يعني بالسحر ومن هية ازغيرة جانت تسمعهم يتكلمون عن هاية المواضيع انه همة سبب انه خلوا هواية بنات متزوجو لان همة اصلا عدهم علاقات وية ناس سحارة وحتة ميرحولهم وبس لدرجة انه يتصلون بيهم بالتلفون ويسوولهم الي يردو وهذا الشي معروف عنهم وهمة يتكلمون بي بكل صراحة وهمة عدهم بنات بعمرهة بس(ماشاء الله شلون بنات عاهات مستديمة )ويغارون كلش من بنت خالتي0
فاتمنى من اي احد يعرف شخص مختص بفك السحر يبلغني علي هية اطوها هواية وصفات مال مي ويقرون علي ايات واوراق نبق يعني هيجي اشياء بس كلة مفاد لان يكولون لازم السحر تلكي وتطلعي يلة يبطل عملة وهمة ميعرفون اي شيخ يفك السحر
وياريت من اي احد عندة حل او يعرف اي احد من المختصين بفك السحر في العراق يدليني على عنوانة او رقمة او اي طريقة توصلنة الة واشكركم مقدما والله يرزقكم الجنة ويبعدكم عن السحر وشرة

لاحول ولاقوة الابالله العلي العظيم
والله الصراحه عزيزتي قصة بنت خالتج مؤلمه
لكن عن نفسي لاعلم لي بهذه الامور
ولم اكن يوما ممن يعلمون شي عن السحر والسحره
لكن اتمنى ان تجدي ضالتك بأسرع وقت
واتمنى ان يكون دخولك للمنتدى ليس لهذا السبب فقط
وانما اتمنى ان تتواصلي مع بقية الاعضاء والمواضيع
علك تستفادين وتفيدين
اهلا بك بيننا ياغاليه