الحيدر ينوح الاسلام ..... كعدة .... للشاعر احمد رفيش
الحيدر ينوح الاسلام .........بالهضم تنحب ايتام
تصرخ يحيدر وينك ......يانور بَسْمه دينك
بالهضم تنحب ايتام
انطبر هامك يحيدر سال دم هام اليتامــــــة
وبجرح من سيله كبر ياعلي فاض اعلى هامة
ياثمر بيت النبوة اليوم بانت هالعلامــــــة
الدين باخطار الدهر ...... مرسومة من بعدك صور .... ومخططة بدم القدر
لاصل بيت أهل الكرامة
واعيالك انت اباحزان ...... ياعلي وناح القـــرءان
طبرك يبو حسين الدم ...... سال وكتب جور وهم
بالهضم تنحب ايتام
ياعلي المهموم بعدك شدته احبال الاذية
وبالدمع ينحب يحيدر كل يتيم بهالمسية
ياعلي الكرار يصرخ منهو عكبك ضل الية
ياوالي من بعدك الي ..... وانت يحيدر كل هلي .... اتيتمت عكبك ياعلي ..... وبالهضم ولد الزجية
حيدر الدين الينعاك ....... باليتم صار بليـــــاك
باحزان غشتنة السمه..... مطرت وسالت بالدمه
بالهضم تنحب ايتام
احنة جنة بزودك انت بالستر صرنة وعلينه
واحنة من جفك حوانة بالكرم فايض علينـه
انت رايتنة و ابونه و انت ياحيدر علينــه
اليوم بالام وهضم .....من ناس ما عدهم رحم ..... بعدك يحيدر ما نظم ....بس دمع فايض بدينه
والناس بالهم تنخاك ...... مانحيا احنه بلياك
يا حيدر شضل عدنه ..... بعدك الهم يهدنه
بالهضم تنحب ايتام
يايتيم اليوم ساكت دمعة وجروحه ونيه
اليوم كل مسكين همه مجتفة بحبل المنية
وبعدك الدنية يتيمة صارت بلوعة سبية
ياحيدر بجور وقهر ..... بسيوفه حزنة النحر ..... مخطوط صار وي القدر
مكتوب ياحامي الحمية
حيدر علي ياكرار ...... دارت علينه الاكدار
بالالم من هدتنه ...... بسمك علي صيحتنه
بالهضم تنحب ايتام
ياعلي وحسين يمك ينحب ودمعة اعلى عينه
سال منه ورسم لوحة وضح حســـين بحنينه
منهو يوم الطف يحضرة وعالتراب موسدينه
عباس بويه اعلى النهر ..... وحسين محزوز النحر .....وانه العقيلة اعلى القهر
والفلك وجر ونينه
من شاف دمع الاطهار ..... حيدر علي يا كرار
ون بونين المجروح ..... حيدر علي والمذبوح
بالهضم تنحب ايتام
ياعلي وبعدك مصايب سالت بقسوة وجرم
الحسن سموله جبدة وبالغدر زاد الظلـــــم
الكربلة شحجيلك اني ياعلي هناك الهضـم
بعدك يحماي الحمه ..... بعدك يحماي الحمه
ناحت ملائكت السمه ....بعدك يحماي الحمه
وبكربلة بحر الدمه ....... بعدك يحماي الحمه
والعقيلة الحرة زينب تنحب بونة خفية
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
رد: الحيدر ينوح الاسلام ..... كعدة .... للشاعر احمد رفيش
عظم الله لكم الأجر بمصاب مولى الموحدين عزيزي
وحشرك الله مع ابا الحسن عليه السلام
كلمات موجعة الهبت صدورنا
إنها والله لفاجعة عظمى ألمت بالإسلام والمسلمين بفقد هذه الشخصية العظيمة التي لن توازيها عظمة سوى عظمة الحبيب المصطفى عليه وعلى اهل بيته أفضل الصلاة وأزكى السلام
فسلام عليك يامولاي يوم ولدت
ويوم استشهدت
ويوم تبعث ُ حيــا
عطر الله انفاسك
وجعلها في ميزان عملك يوم الورود
نسأل الله لكم قضاء الحوائج بحق حيدر الكرار
ولك اطيب تحياتي
رد: الحيدر ينوح الاسلام ..... كعدة .... للشاعر احمد رفيش
اقتباس:
المشاركة الأصلية كتبت بواسطة ام فيصل
عظم الله لكم الأجر بمصاب مولى الموحدين عزيزي
وحشرك الله مع ابا الحسن عليه السلام
كلمات موجعة الهبت صدورنا
إنها والله لفاجعة عظمى ألمت بالإسلام والمسلمين بفقد هذه الشخصية العظيمة التي لن توازيها عظمة سوى عظمة الحبيب المصطفى عليه وعلى اهل بيته أفضل الصلاة وأزكى السلام
فسلام عليك يامولاي يوم ولدت
ويوم استشهدت
ويوم تبعث ُ حيــا
عطر الله انفاسك
وجعلها في ميزان عملك يوم الورود
نسأل الله لكم قضاء الحوائج بحق حيدر الكرار
ولك اطيب تحياتي
تحياتي اليك اختي الفاضلة ام فيصل ......وكما دعوتي لي بالمثل ادعو لكي ومن كل قلبي اليكي تقديري واحترامي وكما ارسل عطر الرياحين من ارضي هذه اليك عبر ريح المودة والتقدير ... شكراً لمرورك الكريم اختي العزيزة ولكي مني الذ واطيب التحايا .:66 (46):
القلب الاسير .
