يبنادم..للشاعر الكبير ..ابوسرحان

إبهيده إعله بختك لا تعت بيهه
... يبنادم إبهيده
روحي انحلت والشوق ماذيهه
... يبنادم إبهيده
ما جنهه ذيـج الـروح ... يبنادم
ولا جنهه كلهه إجروح ... يبنادم
والشوق ماذيهه ... إشمالك تعت بيهه ؟
* * *
تسيوره عمري وياك ...
يبنادم
غفله وأخذني الطيف
ولنهه بحلاة النوم ...
يبنادم
روحي اعله روحك ضيف
وأغفه ابهواك اسنين ...
يبنادم
كيّف تراني بكيف
وراكد بروحي الماي ...
يبنادم
ثاريهه غيمة صيف !!
ثاريهه غيمة صيف !!
* * *
بجي الشموع الروح ...
يبنادم
بس دمع مامش صوت
ورفّة جنح مكسور ...
يبنادم
كَلبي يرف بسكوت
لا هي سنه وسنتين ...
يبنادم
لا هيّه صحوت موت
حسبة عمر عطشان ...
يبنادم
والماي حدره إيفوت !!
والماي حدره إيفوت !!

الله الله
عاشت اياديك على هذا الكلمات
كلمات رائعة
تقبل مروري
اتمنى لك كل خير
تحياتي

تسلم ياعطر المضايف
انتقاء جميل ودي

الله الله

عالابداع اخي عطر المضايف

شكرا لك لاختيارك

وتحياتي لابو سرحان 0

رحم الله الشاعر الكبير ابو سرحان...شكرا لردودكم الجميلة

قصيدة غنائية جميلة بمعانيها
كل الشكر لك عزيزي
على جميل انتقاءك
لك اطيب تحياتي
ودام لنا هذا التواصل
دمت بخير
مع تحياتي لك

قصيدة رائعه
عاشت الانامل
مشكوووووووور
تحياتـــــــــــــــــــــــي

عطر المضايف انت عطر اسم على مسمى ان اختياراتك رائعة وخصوصا للفقيد الراحل ذياب كزار ابو سرحان ابن الفيحاء الذي فقد ولم يعرف مصيرة لحد الان في احداث بيروت ابان احداث لبنان 1980