احبنك..واحب ذاك الحمار البيك من تخجل

احبنك


واحب


ذاك الحمار البيك من تخجل


اريدنك


واحب


كل الدلال البيك من تزعل


يانور بضباب الروح


أنهّ ابلياك مااندل


ياكَطرة ندى والروح..


غبشة وبيك تتوسل


ياشجرة فرح وآمال


لغصانك صرت جدول


اشبكَنك جرح دفيان


لو مسة البرد يجفل


مشيني مثل ماتريد


محبس بيدك أتحول


أغار أعليك


من ثوب التلبسة


وصورتك


والظل


من كَلبي ورشيف الكاس


لو بشفافك إِيقبل


مو كافي تعت بالروح


كَلبي ارهيف ما يحمل


تمنيت الكَلب ينساك


من صدَك كَمت اخجل


يعاندني الكَلب بذات


غيرك ولف ما يقبل


يدَك ويضيع الدكَة


وأحس الدكَة تتبدل


يدَك جنة ويحاجيني


يكَلي أرجوك لاتزعل


ظل احمل عذاب ونوح


بلجن يـوم يتبـدل؟؟


*************


تحياتي


للشاعـــــر


جلال البطاط

شكرا لك عزيزي لهذا الانتقاء الجميل
تحياتي لك وللشاعر المبدع جلال البطاط

شكرا لك عزيزي
ولجميل انتقاءك
ودام لنا هذا العطاء والتذوق
لك اطيب تحياتي

شكراً لمروركم الرائع
لكم باقه من ورد الياسمين

يكَلي أرجوك لاتزعل


ظل احمل عذاب ونوح


بلجن يـوم يتبـدل؟؟

رووووووووووعه يسلمو

تحياتي الك حبيبي انتة مع شكري الجزيل لاختيارك نقل قصيدتي هذه....امنياتي لك بالتوفيق ياوردة.

احسنت الاختيار اخي العزيز

تحياتي لك ولصديقي سيد جلال 0