طاري العشك.
طاري العشگ صح حلو
بس مرّ اذا ينساك
ما اريد طيفه يمر
لعيوني شايل سحر
والسحر خيطه الغزل .. وابخيطه ما الگاك
صغتك حرف من ترَف
والگلب بيك انشغف
وادري الگلب من يحب ما يلزم ويتيه
وانوب ادور گلب لو ولف ذايب بيه
كلش كلف عالفكر .. واشلون احل معناك
حچي المودة سهل
بس صعب كونه وياك
اختار ارقى جمل
تحضن معاني الغزل
واحچيك بيهن گمر .. وبليلي اشوف اضواك
يا لون وجه الفرح
لمن تمر بالورد .. صدره ابعطوره انشرح
ويلاگي بيك النده
چف الهنه الواعده
الـ عالدنيه بابه انفتح
چا حگ دليلي يجن .. يهواي من يهواك
عمري ابعمه مر صعب
وابصرت من شافاك
مولود گبلك چنت
بس ما احس بالحيه .. وايامي چن فانيه
ولمن عرفتك ضگت
طعم الحياة وياك
ابشباچ صدرك علگ
خليني عايش دوم
وابعدني عن الخلگ
وامحي اشعليه اهموم
نعمة الله من خصصك.. ومحمود اليه انطاك
يا احلى نغمة هوا
طاري الشعر غنّاك
ويا احلى ضحكة شمس
باحضان فجر الهمس
لنهار ودي اهداك
مالك مثيل ابحسن
سبحان من سواك
:66 (46)::66 (46)::66 (46):
(( منقــــــــــــول ))
ارجو كتابة كلمة منقـــول للأمانة الأدبية
ومنعــا ً للحذف لاحقــــــــا ً
