ابوذيات اكبر عدد من الابوذيات

لابوذيااات
مو هينه اليحبك بالعجل ينســـاك
ولاهينه التحبه تريده يترجــــاك
تضل انته علم غصبأ على الجافـــاك
وتضل انته العزيز ابد ماانســـاك
***************************************
حبك بلضلع بسمار منــــدك
واحس كلبي يسولف بيك منــــدك
كمت اركض على النقال منــــدك
لان ادري العزيز اتصل بيه
**************************************
على مودك عفت ربعي وناســــي
وسد بحلوك شماتي وناســــي
اذا عني غفل كلبك وناســـي
انا بطاريك كل صباح وكل مسيه
******************
مثل جنح الفراشه شفاك ورقــــه
وربيع الشوك منك راد ورقــــه
كل بوسه حبيبي انطيك ورقــــه
واذا حلك بحلك دفتر هديــــه
******************
تموت الروح ياحبيبي بعدكـــم
وريح المسج مافاح بعدكـــم
عزيز شما طال بعدكــم
تظلون عزاز انتم عليـــه
******************
افكر بيك ياحبيبي ولانـــام
ولاغمض جفن عيني ولانـــام
احب اكعد كبالك ولانـــام
بعيد وشوفتك حسره علـــيه
******************
سكر كاس الخمر من ضاك نفســـك
واكو غيرك حلو بس ماكو نفســـك
واريدك ياحبيبي اتبوس نفســـك
بس ابداخلك تنويه اليـــه
******************
سواد العين يااسمر من توابـــي
اشعجب قلبك تغير من ترابـــي
انا مااظن ترابك من ترابـــي
حضنتك والعسل جلب بديـــه
******************
روى الزيتون من دمعي ولاراك
وغيرك مانحل جسمي ولاراك
واخاف اطول غيبتكم ولاراك
وعند وصلك تدانيني المنيه
******************
لغز انته صعب فهمك وحـــلك
ورغم هذا احبنك واحـــلك
والزمك طير بجفوني وحـــلك
وادربيك جلد وترد اليه
*******************
هاك اشعل كلب كلبي ووجهـــاك
واعلى حاله راح اعلمنك واوجهـــاك
بشالك من تلف شعرك ووجهـــاك
تلف روحي مثل لف المنيه
*******************
اريد اكتب شعر عنك وعنـــي
وادز الكلب لدروبك وعنيـــه
صرت انت سبب ونتي وعنـــي
والف دكتور مايلحك عليـــه
*******************
فصوص العين فص يمي وفصلك
يمن يوسف انت اصلك وفصلك
اخيطك بيدي تدريني وفصلك
واجيبك فيت بالترهم عليه
******************
انته الحبيب الذي لوما الوكت مامال
يربطني بيك الوفه ولامصلحه ولامال
انساك من الوكت لاتعتقد اهمال
لكن زماني صعب والوكت بيه مال
**************************
يدنيه بحبل عتيني وجري
وحيل ابنار جويني وجري
الوادم سمج مزتهه وجري
وانه اللبلبي حسره عليه
**************************
شيفيد عندك جنح وصار الهوى ضدك
وشيفيد نايم رغد والخنجر بسدك
وشيفيد تضحك كذب ودموعك بخدك
وشيفيد عندك محب والتحبه مو عندك
**********************************
اذا مره اني احبك فكرت غلطان
قليل وداعتك مليار الف مره
يا عمري وحياتي وروحي ما تدرين
كمت اهواك بالدم اكتب واقره
*********************
حسافات الوكت عني بعدكم
ولاواحد ترس عيني بعدكم
رضيت الموت ولاارضه بعدكم
لان محبتك بروحي موبيديه
******************
اكص الساني خاطر مااحاجيك
واكول انسى البينك وبيني
اشوف العين هيه التحجي وياك
دكلي شلون اكص لسان عيني
********************
سهام عينك بكلبي حيل شرعا
وسفن حبك بخليج الروح شرعا
وردت مذهب يحلك بوسه شرعا
واذا ماكو ارد للجاهليه
********************
حبس اصبحت ولاعندي جناح ومركم
صرت خاضع لامر الله ومركم
لابد للحبس ينتهي ومركم
واعاتب كل حبيب الماسال عليه
**********************
احبك واليمانع من وريدك
وحس بكلبي ينبض من وريدك
كل الي صار بية من ورة ايدك
وبعدني اهواك انة مو بدية
****************
سچاچينك ابنص حشاي *لاحن
وعزف عود بدليلي الك *لاحن
شنوگلّبك صخر لا سئل *لاحن
وانه گلّبي انترس ضيم وأذيه
**************
صحيح بعيد بس كلبي شعربيك
حزين وباقي بس يكتب شعر بيك
عجيبة شلون ظل اسود شعر بيك
وانا من فركاك حتى شعر ماظل بيه
*****************
صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه
****************

مجموعه رائعه وممتعه من الابوذيات
سلمت يداك
تقبلي مروري

دمتي عزيزتي ودام لنا عطاءك سلمت دوم الابداع يارب ولا حرمنا الله من جديدك

شكرا ويسلم اختيارك

اطيب تحيه لك اختي العزيزه 0

يسلمو اسيرة ع الابوذيات الروعة ننتظر جديد ابداعك

ربي يسللمك بالف خير يااعز اخوان منورين متصفحي البسيط