المئـــــويه الاولى للامام الحسن المجتبى ع

كالو ثم كالو ثم شتت البال .. واطراف الحديث تكوطر وترجع

بعيون الوصف لو ردت احط رجال .. اكول الحسن بيه المجد يترففع

يغتاض الحجي من يدنه منه الميل .. وبحيل الصكر ما اطرح واجمع

نجل البيه ترككد محور الاكوان .. من اول نفس للباري دك مركع

اشد روحي بنبضهن واندب الجلمات .. ارككز واعتمد للنبره والمكطع

نغمه بلا فواصل تترس الدلال .. وبنور الحسن صار القلب يهجع

من يا باب اطبلك وانته كلك باب .. يا جلمه بحضرتك تنغر وتشفع

بنص وحي الهيام احتار بيك الكول .. شت مني العكل والشوف والمسمع

شادرج والمدارج ذاب رمهه وساح .. يا جنح اليطير ويا عزم يدفع

شنهي انه الحقير واوصف باشعار .. والجلمه وقلمهه بحكهم شتصنع

يالكلك حسن والحسن بيك احتار .. صاح الغوث وادري ولا ابد ينفع

لو كلت المكارم ادري بيك تذوب .. لاسمك تنحني وكل الكرم يخضع

يا دم التدلـله ودل دلال الدين .. يا دلــله ودليل وشاخص وانصع

يا كاسر مكرهم يا كريم الدار .. يا عين العداله وواعض ومرجع

فكرك كف كفرهه وحفض بحر دموم .. واغتاظ الغدر بالمغبن الاوجع

يا صرخة ضمير وللضنون ضماد .. يا ومضة مواضي وفارس واشجع

يا درع الرعيه ورادع اهل الزور .. يا ساقي العلم لليطلب واروع

كللبت القوافي وما حضيت براي .. شانسج والغزل باوصافك تكططع

شجره انته واصلهه بلايه حد وحدود .. من كل وركه منك طيب يتفرع

ميزان القيم لولاك هدده الميل .. وعلى اهل الوطيه الزور يتوزع

سل حيل الخوارج حيلك بطرواك .. تشرب موت كل خصومك وتجرع

رووعت ال اميه بمنهج الكرار .. وارباب المجايد تنضر وتسمع

تتعننى المناقب تندبك يالحيد .. عند اعتاب دارك تسجد وتركع

يالكلك محاسن يا حبيب الله .. رببك كملك يا طاهر المرضع

تتنخخه المكارم بسمك وبرجاك .. بيك اهل الكرم والطيب تتشممع

در درك درر ومدار ما يندار .. كل كفخه تلخ فخ خصمك وتقلع

جن جنون من لم ينج منهم جان .. منزل من نزل للزل صفه مشللع

اجيتك شايل على الهام كون جروح .. وعيون البواجي بلا دمع تدمع

انشدك بالخدر والزهره والمحراب .. وجفوف العضيد وضامي المصرع

نضره الروح منك يبن داح الباب .. رادت والقلب بمروتك يطمع

يا صوت الضليمه وبالبقيع شهود .. بيك الهج حسن ولساني ما يشبع

لولاكم غدينه بكل كتر طششار .. لادين وديانه ولا شمس تطلع

مد ايده على بابك خادمك محتار .. اذبهن يا كريم البيت لو ارجع

ردتك بالشدايد تفزع وانخاك .. نخوة ممتحن من وجر المجمع

حاجه وادري من يجهبلك بعبرات .. من يكدر يعارض طلبته ويمنع

واسد باب المخاوف وانه كاصد ليك .. قلبي على الملك وعليكم توكل

اصرخ يا حسن وانته الدوه لكل داي .. حلال المشاكل وانته المبججل

انته الوادم بلياك مامش دين .. انته الثبتتهه بصبرك واجمل

رادوهه الدموم تروج روج بحور .. حتى يروح دين المصطفى وينذل

غدروك الاراذل واشترو سفيان .. مثواهم جهنم وبصقر اسفل

تناسو فضل جدك بدلوه الراي .. هيهات اليريده الخالق اتبدل

الله يريدكم عالدنيه والمخلوك .. رحمه ومن يضدكم خاسر وينشل

جييش كل جيوشه الباطل وشد حيل .. بس رد خايب ومل صبره واتعلعل

هذه الكون عاكد بيكم البنيان .. لو فككر يزل اركانه تتخلخل

لاقطاب الارض انتم نجاة وفوز .. والدين بعلينه واهله بس يكمل

من الله الامر واليود ما خسران .. بيكم لن محمد باهل ورتتل

يا بيت الفقير وزاد للمحتاج .. كلمن يندب اسمك بيه تتكففل

يا من واسه ابو ذر من نفوه الكوم .. شييال الحمل وي صاحب المرسل

بايدك تطعم المسكين يا مولاي .. وتنششف دموع ايتام من تهمل

فارس والفراسه تنوخ يم طرواك .. بيك بكل وطيه الميل يتعددل

يا تاج الفواطم يا سليل الطيب .. ذللت العضال وكل صعب يسهل

انته اول كمر كر ناضر الكرار .. وعيون الهواشم بيك تتكحل

عليك التافت اهل الزور والبهتان .. ضنهم ينمحي الاسلام من ترحل

حاكو بالمجايد يا امامي سنين .. واشيهم حقود بمكره يتختتل

وججرت الكفر بالاايه والمحراب .. خصمك من يعاين جلمتك يعتل

شعلو بالفتن رادوهه بس تهيج .. حتى الدين تنذل رايته وينسل

شاطرت القوافي العبره والصفنات .. ما اكض الوصف لو احصد بمنجل

ياهو المثلك وانته الفخر والسور .. ابن المرتضى وبعد الوصي الاول

انته الما يعرفك ما فلح والله .. انته ابن الامام الاشجع الافضل

يا جلمه التحط وصفك يعالي الشان .. واقلام الزمن بس بيك تتامل

يسجد كل حرف من يكصد لطرواك .. واطراف الكلام بحضرتك تخجل

دنيه انته شيلمك يا حبيب حسين .. يا مشفى الصدر للحاير ويسال

من تدنه العرب وتشوفك من بعيد .. من فوك الاصايل كلهه تترجل

هيبه انته وكريم وراعي فزعه وزود .. بيك من الصبر من الصبر اطول

ديوانك يحيد يرححب بكل ضيف .. خطارك ينول الراده ومدلل

يا بيرغ عداله ومنقذ الاحرار .. لولاك انتهينه وما بشر يندل

انته الرايه والحق والفخر والزود .. غصبن كل وكت عاليرضه واليزعل

رادوه للضياع يعود وبكل حين .. رادو للحرام اببغيه يتحلل

رادو ردده شينه لهبل والاصنام .. رادو نهضة الاسلام تتكببل

رادوهه السنينه تموت ويه المات .. والاايت كلهه بلحضه تتحول

يا تاج المدينه وللقيم عنوان .. اسمك ضل سفينه ومنهجك مردي

خل كيلة حقدهم بالضلال تزيد .. واذناب الرذيله تجيب وتوددي

غشمه الحاربوكم لان ما يدرون .. هذه الكون بيكم ينتهي ويبدي

وانه من ارد ادير العين يا مولاي .. غير ابن القلع بيبانهه شعندي

باسلاف الرذيله تخالفت ااهات .. حال خصومكم كل لحضه مترددي

وانه اصرخ يبن خير البشر كل يوم .. من صقر وجهنم صورتك سددي

هيهات الخوارج لو نوت تدناك .. كل كيد ال اميه كبالك شيجدي

سيفك هوه سيف الفارس المغوار .. تشهدله الحجاز ويدري كل نجدي

صولات البطوله البيك من كرار .. والغيره رفيجه وياك من تحدي

وابوك الشال حمل الدين يوم الضيج .. ردتله الشمس من صاح شو رددي

در يابن علي وتبكه ذهب للدوم .. والعاداك مننه المعدن مصددي

بيكم نستعين على الشدد يا حيل .. بيه المعجزات تكوطر وتغدي

شانطر غير رحمه من الله واهل البيت ع .. وانتي شما الج يا دنيه بيه مددي

شما طال العمر هم يمر بينه الموت .. كل ما يحله بيهه الدنيه متبددي

وانه الامر فوضته لملك قدوس .. وبتربة حبيبه رصصعت خددي

دخيلك يا علي الكرار لايذ بيك .. عبدك وادري هيهات انه اضل وحدي

وبحسين وحسن شديت هاي الروح ..واندب من قضى بطامورة السندي

يفديك القلب منذور الك والعين .. روحي ومهجتي لحضرتك انه افدي

جروح الروح ما تبره لذكركم يوم .. ويا جرح الاكصده بعبرته ينددي

وبروح الولاء انتفض لاهل البيت .. واليت واشههد خالقي بعهدي

ما يضمه القلم لا وحق جف عباس .. مادام الوريد يدر دمه بزندي

يتلابس ذكركم جالعسل بالريك .. وانتم احله من طعم الحلا وشهدي

تابع للحياده وما ابدل الراي .. لو شدت حزمهه اهل الارض ضدي

يبن المرتضى وكل ما يمر طرواك .. تتوهج مهجتي بذكرك وسعدي

هنياله الينول رضاكم بدنياه .. نضرتكم يبن حيدر حلم وردي

اتبع منهج العتره بشرف وايثار .. وابذل للحياده بهممه كل جهدي

اتعلم شيمهم والكرم والطيب .. واخدم للممات وانحر بزهدي

ويا سيف المكارم جالشموس يلوح .. منه بكل فخر ما ينجبس غمدي

ويا دنيه عهد كل يوم اذلنج .. عليه من المصايب لملمي وعدي

جيبي من المصايب والعلل اسراب .. حشدي شما يصح براحتج حشدي

بيياع انه الج والله مو شراي .. اضل لابن الدحر روس الكفر جندي

غداره وغشيم الصددك بمنواج .. اذا عندج خلاف الكلته هم نشدي

جذابه يدنيه وما اريد وياج .. ردت اليعتنيني بغربتي ولحدي

وسيوفج تراهه بحيلي مثل الماي .. سللي اكثر سيوف وعالقلب جردي

وهدي سيول فيضج واعتنيني بحيل .. كل ساعه ودقيقه شما الج شددي

اخذي شما تنول عيونج بكل حين .. انه بلا فخر ما ينضفر حددي

انه ابن الزجيه وافتخر للموت .. واتنومس علينه وراية المهدي

اسالكم الدعاء يا مؤمنين

رحيم الحسناوي