ابوثوب البنفسج (مهند صاحب الربيعي )
الجوري اشتاقلك من عطر نحرك فاح
يبوثوب البنفسج بيه شنهو تشوف
اموتن لا قديمه انبعث لوجيت
اذن حقي من اعيش وبس الك ملهوف
اشم روحك ورد بس موطبيعي اليوم
بيك شكد لكيت ازهاري متعطره
يمكن موبشر انته ملاك بروح
شايل اسم عطرك كوكب الزهره
ثق روحك حيتني انه الك ممنون
ولازم اشكر الله حط حياتي بيك
متت بس بالتفاته منك اتعافيت
وردتلي حياتي من حضر طاريك
كمت بالليل اشوفك ومضه من النور
وعشكت الليل كله لخاطر الومضه
ولأن نور الله بيك بوجهك تباريت
وكبل لااني المسك رحت اتوضا
حطلك حسن ربك اكثر من الناس
لعد شكد يحبك ربك بهايه
من طين البشر خالقهه رب الكون
بس وياك سوه الطينه تينايه
رد: ابوثوب البنفسج (مهند صاحب الربيعي )
من طين البشر خالقهه رب الكون
بس وياك سوه الطينه تينايه
غزل عذري جميل
ومفردة واحساس رائع
كل الشكر لك
على نثر هذا العبير
ودام لنا النبض والإحساس
مع تحياتي للربيعي
رد: ابوثوب البنفسج (مهند صاحب الربيعي )
جميل هل الابداع يالغالي
روعه في المفرده كانها باقات
زهور متناثره وعبق عطرها
يفوح في كل الاتجاهت
كن بالف خير يالغالي
اخوك الشيخ ابوحيدر
رد: ابوثوب البنفسج (مهند صاحب الربيعي )
عاشت الايادي اخي الفاضل على الطرح الجميل ننتضر جديدك
:
رد: ابوثوب البنفسج (مهند صاحب الربيعي )
اقتباس:
المشاركة الأصلية كتبت بواسطة ام فيصل
من طين البشر خالقهه رب الكون
بس وياك سوه الطينه تينايه
غزل عذري جميل
ومفردة واحساس رائع
كل الشكر لك
على نثر هذا العبير
ودام لنا النبض والإحساس
مع تحياتي للربيعي
شكرا لجمال مرورك اختي ام فيصل
وتحياتي لذوقك العالي يارائعه
