بعض من مواصفات رئيس الوزراء الــزيــن

بعض من مواصفات رئيس الوزراء الزين


السلام عليكم
اخواني الاعزاء

اليكم بعض من مواصفات رئيس الوزراء الي ينقذ العراق وشعبه من كل المصائب والبلاوي

وعليكم ياشعب العراق ان تجدون هذه المواصفات وتستعجلوا بانتخابه فوراً




اولاً

ان يكون عراقي الاصل و الدم قبل الجنسية لان مريدي يلعب دور


ثانياً

الا يكون شيعي ولا سني ولا كردي ولا مسيحي ولا صابئي ولا كلداني ولا من اي فئة او طائفة بالعالم


ثالثاً

ان يكون وحيدا فريدا لا اهل عنده ولا اقرباء كلهم ميتين وباقي وحده المكرود

رابعاً

ان يكون لا من شمال العراق ولا من جنوب العراق ولا من وسط العراق ولا من شرق العراق ولا من غرب العراق لكن هو موجود بالعراق وين ماادري لكن وين ما تريده وتحتاجه تلكاهه يمك


خامساً


ان يكون اصلع ولا شعره عنده حتى ما يروح للحلاق ويظل لازك بالكرسي


سادساً

الا يكون من حجاج بيت الله الحرام لان الي قبله جربناهم وخووووووووش حجاج



سابعاً

ان يكون كاعد بالايجار وماعنده ولا فلس يشتري بيت ويبقى طول عمره ما يكدر يشتري بيت ولا سياره


سابعاً

ان يكون عنده بايسكل 28 يروح ويرجع بيه للوزاره

ثامناً

ان يكون راتبه 200 الف دينار عراقي 100 للايجار مال البيت وال 100 الاخرى للاكل والشرب

تاسعاً

ان يكون ما يحب السفر ابدا وبيه خوفه من الطيارات وما يحب يطلع لا منا ولا منا


عاشراً والاخيره

ان يحب كل الطوائف ولكن لا ينتمي لها

ويكره الاحزاب والمليشيات والتيارات

ويحب العراق وشعب العراق فقط وان يكرس حياته كله لبناء العراق ويبحث وين ما كان عن الراحه كي يقدمها لهذا الشعب المحروم والمظلوم



مع التقدير


الزير سالم

السلام عليكم
تسلم يا اخي الزير سالم

حقيقة هذه مواصفات رئيس الوزراء العراقي حصرا
واعتقد انه انسان من الفضاء الخارجي ان كنت متشائما
لكني ساكون متفائلا لان هذا بلدي من يعاني الام والحزن
حقا نريد من يقود البلد ان يكون اسمه فقط العراق ولا غير العراق
وانشاء الله يعم الخير والامن والسلام على عراق السلام

سلملت يداك اخي الغالي

مع التقدير

ههههههههههههههههههههههههه
هذا وين نلكيه متكولي يازير ؟؟؟
يمعود هذا تفصال واكبر خياط ميجيبه
الف شكر للزير ورعة مايتحفنا به
لك ارق التحايا واعطرها

ولا أكو احسن من هذه المواصفات عزيزي
بس على كولة ام علاوي
وين تلكه مثل هيج رئيس ورزاء بس بالحلم

الله يساعدك ياوطن

مشكور عزيزي على موضوعك الخيالي والي مايتحقق الا بالحلام
وماندري يمكن حته الحلم بهيج مواصفات محروم منه العراقي

تحياتي لك

الف شكر اخي الزير على الموضوع
اخي
المشكله هيه عركه على الكيكه
الصراع من اجل البقاء
والله الشعب العراقي خطيه الله ينتقم من كل يريد اذيه الشعب التعبان
تحياتي