ابوس بصورتك ؟؟؟
أدمنت السهر..والدمعة بالعين
واني أدري السهر ...للعين موزين
بنارك احترك بس عاشك اني النار
هيج اتخلص ...ايام المحبين
تدوركم صفنتي وابقى محتار
يمته احظى بوجهكم يل بعيدين
رماد سنين عمري ..وبختك الريح
كافي اتهب علي واتطشر سنين
اكو واحد يصب دموعه من ماي
واكو واحد يصب دموعه من طين
بنه تمثال دمعي اطوفه عشاك
واخذوا مراد...من عنده المساكين
شكد شايف جروح بالعالم أشكال
مثل جرحي ..ابد ماشايف اثنين
وهم زين آنه شايل عندي تذكار
لو ما صورتك ...جان متنه همزين
أبوس بصورتك ..واتدير الخدود
حتى
بصورتك وتكلي بعدين
للشاعر
محمد الحسناوي
