بسم الله الرحمن الرحيم
قصت لمى و ساره
صديقتان حميمتان..
لمى وساره..
بدأت صداقتهما منذ الطفوله في المرحله الإبتدائيه..كانو يشبهون بعض إلا إن وحده فيهم سمينه شوي والثانيه عصلا.. كان شكلهم يضحك وهم ماسكات بعض ويتمشون في ساحات المدرسه..نفس موديل المريول نفس الشنط..ونفس تسريحة الشعر.
إلا إن لمى ببُنيتها الممتلئه وشعرها المموج كانت تظهر بأنها الأخت الكبرى لساره ذات الجسم النحيل وشعرها الناعم ذو الخصلات الدائمة التناثر على وجهها.
استمرت هذه الصداقه مع مرور الأيام.. وكبرت البنتان ووصلتا للمرحله المتوسطه..وبدأ اول يوم دراسي بالمريول الكحلي...
جاءت ساره مبكره للمدرسه من شدة الحماس..
ساره: ياربي متى تجي لمى؟
خايفه ادخل لحالي.
وكانت ساره تتأمل كل طالبه ومعلمه تدخل من بوابة المدرسه.
وتقول في نفسها....
يالله كل هالبنات ... وبعدين كلهم كبار أناأصغر وحده يعني؟
ماعجبها الوضع أبدآ.. يازين مدرسة الإبتدائي.
فجأه قطع تفكيرها منظر بنت دخلت من الباب مرتبكه.
كانت ترتدي شنطتها على ظهرها فوق العبايه وتدخل ثم تدوس طرف العبايه وتسقط على وجهها.
تنظر اليها ساره بتعجب..
تلتفت اليها البنت وتصرخ.
ساره بدل ماتتفرجين علي تعالي ساعديني..الله ياخذ اللي اخترع عباية الراس هذي..
لمى !!
تسرع ساره تقومها وتفصخ عبايتها ويمسكون يدين بعض ويركضون لمكان الطوابير ويحجزون أول صف.
ومرة المرحله المتوسطه وتلتها الثانويه بسرعة البرق وكانت تحمل في طياتها أسمى معاني الصداقه...وكثير من المواقف السعيده جدآ والتعيسه في نظرهم.
وجاءت النقطه الحاسمه وبدأ تحديد المصير...
انها الجامعه....
وبعد تخطي مرحلة التسجيل بسلام.
بدأ الإستعداد لأول يوم دراسي..ولهذه الحياة المختلفه..ولهذا العالم الغامض..
بدأت الدراسه وبدأت ساره ولمى في خوض الحياة الحقيقيه والإنسلاخ منحياة الطفوله.
فقد وصلتا لمرحلة النضج الآن وكل واحده منهم مسؤوله عن نفسها.
لمى اصبحت اجمل فقد قصت شعرها بأطوال مختلفه وتناسب ذلك جدا مع شكل وجهها الدائري الممتليئ وجسمها الغير نحيف...
أماساره فقد أصبحت غايه في الجمال بشعرها الناعم البني المنسدل على كتفيها بطول متساوي وتلك العينان العسليتان مع بشرتها البيضاء وقوامها الممشوق..كانت أشبه بالممثلات الامريكيات.
*****
بداية القصه المؤلمه هنا*****
مرت الأيام واستمرت الصديقتان معآ بالإضافه إلى صداقات عده جديده.
فالجميع كان يحاول التقرب لساره لشدة جمالها وجاذبيتها.
ومع مرورالأيام لاحظت لمى التغير التدريجي لساره سواء في التعامل أو في المستوى الدراسي الذي بدأ في التدني بشكل ملحوظ أو في الحاله النفسيه والمزاج السيئ....
حاولت لمى جاهده لمعرفة الأسباب فصديقتها لاتخفي عنها أمرآ ولكن هذه المره فقد أخفت عنهاأمرآ غير حياتها.
مرت الأيام ووضع ساره يتدنى أكثر وأكثر..
أصبحت وحيده .. منطويه .. غامضه .. علامات الحزن عليها تكاد تقتل صديقتها وأهلها.
بكت لمى وتأثرت..
لمى:ساره تكفين قولي لي اشفيك ايش اللي قلب حالك كذا.حبيبتي قولي لي انالمى صديقتك اذا في شي أنابوقف معك.
ساره: ...
لمى:ساره الله يخليك قولي شي . شوفي كيف عدمتي نفسك شوفي وجهك وعيونك كيف صارو.
تتجمع الدموع في عيون ساره
وتضم صديقتها بكل قوه وتهمس في اذنها وقد خنقت صوتهاالعبره..
ساره:انا تعبانه يالمى تعبانه.
لمى: تعبانه؟ اشفيك قولي.
قامت ساره وأخذت اغراضها وراحت.
مر يومين ماجت ساره للجامعه.
تحاول لمى تدق عالبيت محد يرد وجوالها مقفل.
خافت وقامت تدور في البيت بدون وعي ماتدري ايش تسوي وكيف تطمن على ساره.
كلمت ابوها وراحت لبيت ساره..
ماكان في أحد في البيت.وزاد خوفها..
رجعت للبيت وقامت تدور على رقم بنت عم ساره كان مكتوب في ورقه عندها.
ييييييس هذا هو رقم ريم بنت عم ساره.
لمى:الو
ريم:الو،اهلين
لمى:اهلين ريم كيفك؟
ريم:هلا والله تمام.مين معي؟
لمى:انا لمى.
ريم:لمى؟ مين لمى؟.آها لمو صديقة ساره أهليييين عرفتك كيفك يادبه؟
لمى:تمام حبيبتي بغيت اسألك عن ساره صارلي كم يوم ماأدري عنها دقيت على بيتهم وعلى جوالاتهم كلها محد يرد.
ريم: ليه انتي مادريتي؟
خافت لمى وانقض قلبها.
ريم: اتوفت جدتها من يومين.
أخذت لمى نفس عميق وحمدت ربها ان ساره ما فيها شي.
راحت لبيت جدة ساره وعزتها وكانت ساره متأثره مره لأنها كانت متعلقه كثير بجدتها وكانت اقرب لها حتى من أمها
حيث ان أمها كانت قاسيه شوي عليها.
وبموت جدتها زادت وحدة ساره بهالدنيا وزاد حزنها.
لمى تفوقت على ساره في الدراسه وسبقتها في المستويات وساره...محلك سر..تاخذ الترم بترمين.
بعد ماكانت من المتفوقات في المدرسه.
ومرت الأيام وساره تذبل يوم بعد يوم.ولمى تحاول تعرف.
وجا اليوم اللي تنتظره لمى.
جت ساره لبيت لمى في يوم خميس.
جلست لمى جنب ساره وقالت.
لمى:ساره شوفي اليوم ماراح تطلعين من هنا لما تقولي لي سالفتك كامله.
ساره: سالفتي طويله وماعندنا وقت.
لمى: ماعليك عندنا وقت.
ساره: قصتي بدت من سنه لما دق على جوالي واحد حيوان يبي يتعرف.كنت اقفل في وجهه واطنش.
واستمر فتره يدق ويرسل.
قفلت جوالي فتره وأول مافتحته رجع يدق ويرسل رسايل حب وغرام.
لمى:وبعدين..
ساره:وبعدين ياطويلة العمر
قلت لأبوي عن السالفه ورد عليه وهزأه.وقام الرجال يتأسف من الوالد ووعده انه مايدق.
صدق ابوي واناصدقت وقلت الحمد لله افتكيت منه.
مرت يومين مادق وفي اليوم الثالث أرسل رساله.
مكتوب فيها....{ياساره يابنت خالد ال؟؟؟ لاتحسبيني خفت من تهديد ابوك اللي مايسوى جزمتي وحسابي معك انشالله عسير ولو سويتيها مره ثانيه وعلمتيه بورطك وبقول اني اعرفك.ومثل ماطلعت اسمك كامل وعرفت كل شي عنك أقدر أوديك في ستين داهيه انتي وابوك}
خفت بصراحه كيف عرف اسمي خصوصا الجوال مو بإسمي وايش يبي مني بالضبط يعني أول مره احد ينشب بهالشكل بالعاده لماأحد يزعج اقفل في وجهه كم مره يملون وماعاد يدقون وقررت أغير رقمي وأرتاح.
كلمت ابوي يغيرلي رقمي وتحججت اني ابي شريحة سوا أحسن من الفواتير.
غيرت الرقم.
وبعد اسبوع ارسل رساله على رقمي الجديد.
{طيب ياساره يعني تبين تتحدين؟}
انا حسيت لماشفت الرقم كأن أحد كب على راسي مويا مغليه.
لمى:الحيوان كيف جاب رقمك الثاني؟
ساره: نفس سؤالك كان يدور براسي والسؤال الأهم ايش يبي بالضبط؟
قمت وأرسلتله رساله وياليتني ماأرسلت . كتبت فيها
{انت مين وايش تبغى مني وليه تسوي كل هذا؟
احد مسلطك علي}
رد
{أنا محد يتحداني وانتي اتحديتيني ودام انك مارضيتي بالطيب نجيبك بالقوه}
رميت الجوال وصحت حسيت اني في فلم او يمكن حلم مزعج.. اناعمري ماأذيت أحد بحياتي ليه يصيرلي كذا وايش الذنب اللي سويته عشان استاهل كل هذا.
قررت أقفل جوالي وما افتحه لمدة شهر.وفعلآ قفلته.
بعد اربع ايام بالضبط رن جرس بيتنا في وقت متأخر يوم فتحت الشغاله الباب مالقت أحد ولقت كيس فيه أغراض وورقه مكتوب فيها أغراض خاصه لساره.
جابت الكيس وعطتني استغربت مين ارسلي هالكيس وايش اللي فيه؟
لقيت فيه دفتر وجنبه علبه صغيره.فتحت الدفتر لقيت مكتوب فيه كل المعلومات عني وعن أهلي ومكتوب في الصفحه الأخيره.
{اناحطيتك براسي ياساره.. انالما احط براسي شي لازم اوصله مهما يصير..اعتبريه تهديد.. وترا لوقفلتي جوالك مايهمني فيه مليون طريقه اوصلك فيها.. ومثل ماوصلت لبيتكم أقدر أوصل لغرفتك واسحبك قدام أهلك لوأبي..وشوفي العلبه هذي ترى فيها هديه لك.. فيهاحبوب ..حبوب مخدرات يعني لاتستغربين..هذي الحبوب لوأبلغ الحين الشرطه انمسك ابوك وانسجن عشر سنين عالأقل.. ولوقهرتيني زياده حبه وحده احطها بسيارة ابوك ويروح فيها...افتحي جوالك وردي علي..}
اخذت العلبه ورحت ركض رميتها بالشارع.
ورجعت ارتجف لغرفتي وتلحفت من الخوف احس قلبي بيطلع.
طحت بيدين مجرمين يا لمى.
فتحت جوالي إلا وهو يدق.
رديت
انا: نعم
++:هلا
انا:نعم اش تبي مني انت.
++:لاتتحديني
انا: اتحداك بإيش اصلآ ايش يعرفني فيك عشان اتحداك.
ساره: ....
لمى:اشفيك سكتي كملي وبعدين ايش قال؟
سالت دموع ساره بحرقه.
لمى: ايه كملي.
ساره:بعدين صار كل يوم يكلمني تحت التهديد.
وكنت احيانآ أصيح وانا أكلمه وأترجاه يبعد عني ويتركني في حالي لأني بنت ناس ومالي في هالخرابيط.
كان يقول لي أما أكلمه وإلايسبب لي فضايح ويرسل إسمي مع رقمي بالبلوتوث ويورط ابوي في قضية مخدرات.
فما كان قدامي إلا اني أكلمه وأسايره عشان أسلم من شره.
ومرت ايام وأيام وفي يوم قال ابي أعرفك على اصحابي.
طبعآ رفضت بقوه وقبل ماأتصرف أي تصرف قطع كلامي وقال:شكلك مستغنيه عن أبوك.
سكت أنا.
وقال:هاه ايش رايك؟
قلت:طيب.
ومرت أيام وعرفني على اصحابه الإثنين وصاروا يكلموني في أي وقت وبعد كل كم يوم يذكروني بالتهديد اللي علمهم عليه الراس الكبيره.
وبعد فتره ماهي طويله..
نزلت دموع ساره مع هذه الكلمه.
ساره: طلبوا مني اطلع معهم لشقه مستأجرها لهم صاحبهم اللي عرفهم علي كانت شقق عوايل لكن صاحبهم بسبب كثرة معارفه قدر يستأجرها لهم ويسكنهم فيها وهم عزاب.
ومع الضغط والتهديد ووعودهم لي انهم بعدها بيتركوني ولاراح يضروني أبد.
وان طلعتي هذي معهم بتكون قصيره مره وانهم بيحافظون علي مثل أختهم.وإنهم ماراح توصل فيهم النذاله انهم يسوون فيني شي وانا ماضريتهم.
اناصدقتهم وقلت اني بسوي اي شي وأفتك منهم.وكلهانص ساعه وترجع حياتي مثل أول وارتاح من تهديدات هالمجرمين..
طلعت في يوم من الأيام كأني بروح الجامعه وخليت السواق يوصلني للشقق
كانت في حي المروج قريبه من محل حيوانات أليفه أسمه{الحيوان المدلل}
اسمها{؟؟؟ نجد}
المهم نزلت وقلبي بينفجر من الخوف وفي نفس الوقت قهر.
خوف لا يمر أحد ويعرف سيارتنا وقهر اني أنا البنت الشريفه العفيفه اللي سمعتي مثل الحليب أجي برجليني للمكان هذا.؟
لكن حسبي الله ونعم الوكيل.
وصلت لباب الشقه وترددت كثير قبل أضغط الجرس.
فتح لي واحد منهم ودخلني وكان البيت مايطمن ابدآ.. جلست دقيقه وقلت خلاص استأذن أنا.
قال: وين ياحلوه بدري.
عاد انا مصدقه: لا بس ماأبي أتأخر.
قال: اقول استريحي اخوياي جاين.
قلت: وينهم تأخروا مو اتفقنا تكونون هنا الثلاثه وتشوفوني واطلع بسرعه؟
قال: راحو مشوار وتلقينهم عند الباب الحين.
انتظرت شوي وقمت وأخذت شنطتي.
وقلت: أنا ماشيه.
قام وسبقني عالباب وقفل بالمفتاح.
وقال: خليك عاقله واقعدي لين يجون مافي طلعه.
قلت: لوسمحت افتح لي الباب ابي أطلع.
يهز براسه..لا.
ويقول:دخول الحمام مش زي خروجه.
ويضحك باستهزاء.
قعدت عالكرسي أرتجف من الخوف بس ماأبيه يحس بخوفي منه.وجلست ألف بنظري في الشقه أشياء غريبه والأغرب كمية اشرطة الفيديو الكثيره المتناثره في كل مكان.
وكراتين ماادري ايش داخلها والبيت مبهذل بالمره اللي يشوفه يقول عمره ماأحد نظفه أبد.
رن الجرس ووقفت أنا.
قال: وين رايحه اجلسي هنا لاتتحركين وهاتي الشنطه.
رديت:أي شنطه؟
قال: لاتستهبلين شنطتك ماني غبي داري ان جوالك فيها.
سحب شنطتي بقوه وقفل علي باب الغرفه وطلع.
حسيت اني في وضع المخطوفه.
بس أملي كبير ان اصحابه لما يجون يشوفوني واطلع هم وعدوني بكذا.
وقطع تفكيري صوت الثلاثه وهم يتكلمون.
!!! : بشر جت؟
؟؟؟: ايه جت جالسه داخل بالغرفه..والله ياهي قمر ماتوقعتها كذا.
+++: عاد أناعرفتكم عليها خلوني ابدا فيها أنا.
!!!: ابدا فيها بس خلص بسرعه.
؟؟؟:والله انا اللي استقبلتها وماسويت شي لين تجون والحين صرت أنا الأخير؟
+++: والله تستاهل خلاص ابدا انت الأول.
أنا عاد فهمت وش قاعدين يتفقون عليه.
قمت أصيح وأصارخ ابيهم يفتحون لي الباب.
وبعد شوي فتح واحد منهم الباب ودخل علي.
وقال: ياوجه الللللللله من وين جبتي هالجمال كله وش هالشعر؟
وش هالعيون؟
وش هالجسم؟
انابحلم والا بعلم.
رجعت لورا وكنت ابكي..رجعت الين لزقت بالجدار وكنت أرجف من الخوف.ودخلو اصحابه الباقين وكان معهم قوارير الظاهر انها خمر.
قمت أصيح بصوت عالي وأترجاهم وأبوس رجلينهم عشان يطلعوني.
ويوم شفت مافي أمل..
ركضت لأقرب زاويه وسجدت لربي وقعدت أصلي وأدعي وهم يجهزون خمرهم وسجايرهم ويتساسرون وراي ويهمسون لبعض مستغربين من اللي أسويه.
وأنا أصلي وأصلي وأدعي ربي ينجيني من يدينهم ويسترني بستره ويستر عرضي..
كنت اقول:يارب احميني واستر علي موعشاني عشان أمي المريضه وعشان ابوي الطيب وأخواتي المسكينات ايش ذنبهم تتشوه سمعتهم بسببي.
والايارب خذني بهااللحظه طاهره قبل لاينجسوني بيدينهم.
لمى انفجرت عيناها بالبكاء لهول ماتسمع.
لمى: كملي ياساره كملي ايش سوو فيك.
ساره: ايش اكمل يالمى.. ايش اقول مارحموا ضعفي قدامهم ولا وفوا بوعودهم معي..وأخذوا شرفي ببلاش اخذوه مني يالمى بشراسه كنت أصرخ بأقوى ماعندي وأحاول اني اخلص نفسي منهم لكن كانوا ثلاثه يالمى واغتصبوني الثلاثه الين غبت عن الوعي ولادريت عن اللي حولي.
وبعد ساعات ماأدري كم هي صحيت لقيت نفسي انزف ومرميه على الأرض وسط دمي وملابسي جنبي .. كنت أرجف بقوه ودموعي تنزل غصب عني وصوتي مبحوح من الصراخ حاولت اسند نفسي وكنت أتأوه مع كل حركه من الألم اللي حاسه فيه.
ياحسرتي على نفسي ياحسرتي على شبابي اللي ضاع.
ياحبيبي يبه سامحني لأني ماحافظت على كرامتك واسمك.سامحني لاني نزلت راسك المرفوع.انت ماتستاهل بنت مثلي..ليت ربي أخذني من زمان ليتني ماجيت لهاالدنيا ابد.
حاولت اقوم بصعوبه
لبست ملابسي وعباتي ومشيت مكسوره ولقيت واحد منهم كان سكران وجالس والباقين مدري وينهم.
سألني: على وين؟
جاوبت بصوتي المبحوح
وقلت: اخذتوا أغلى ماأملك ومابقى لي شي خلوني أمشي.
رمى لي شنطتي عالأرض عند رجله وأمرني أركع وآخذها ركعت وأخذتها وداس برجله على يدي و
قال: لماأحط شي براسي أوصله مفهووووم.
وضحك بصوت عالي ومسكني من شعري وفتح الباب ورماني عالأرض على ظهري وزاد عندي النزيف بسبب الطيحه وقفل الباب.نزلت اسحب نفسي لقيت السواق ينتظرني رجعت البيت وكانت الساعه 12 ونمت وعانيت من النزيف 3 ايام ومرضت وعانيت آلام والتهابات شديده.وكان عذري قدام أهلي انها الدوره الشهريه.بس انها شديده هالمره وتعبتني.
خفت من الفضيحه لما أروح المستشفى خفت على امي وابوي.
وسكت عن الموضوع.
حسبي الله على كل ظالم..
يالمى الكلام هذا سر بيننا لين أموت وإذا مت وقتها قولي للي تبين.
لمى: بعد عمر طويل انشالله الله يخليك لنفسك ولأهلك ولي كلنا نبيك ونحبك والناس هذول والله بياخذون جزاهم من ربك. انا أقدر ابلغ عنهموأوديهم بداهيه بس ماأبيك تنفضحين بالمحاكم.
ساره: لايالمى تكفين استري علي ماأبي فضايح انا وكلت امري لله.
لمى: لاحبيبتي لاتخافين انامستحيل اسوي شي فيه مضره لك.
وبالنسبه لك الطب تطور وكل شي يتصلح.وبتتزوجين وتخلفين على قول المصريين دستة عيال.
ساره: أهم شي ابي توأم ساره ولمى..ههههه.
لمى: وتجيبين ساره ولمى بعد.
كملو لمى وساره سهرتهم مع بعض ولمى تحاول انهاتنسي ساره اللي صار وتحاول تحسسها انها بتبقى صديقتها مهماصار وان نظرتها لساره ماراح تتغير لأنها واثقه فيها وفي تربيتها وفهمتها ان ربي يمهل ولايهمل وأكيد ماراح يتركهم طال الزمن والا قصر.
راحت ساره لبيتها وهي مرتاحه لأنها فضفضت لصديقة عمرها.
وللأسف شهرين بس مرت بعد جمعت ساره ولمى في بيت لمى.
وصارحادث مروري مروع في طريق الجامعه حمل معاه روح أطهر انسانه في الوجود..وتوفت ساره وتركت هذي الدنيا باللي فيها.. تركت حلوها ومرها .. تركت أهلها وكل من يحبها.. تركت للمجرمين عذاب الضمير.. تركت سرها.. تركت حزن الدنيا في قلوب من حولها.
رحلت كفراشه تفرد جناحيها في السماء وكأنها تقول.. عفوآ لن أستطيع العيش في دنياكم.. فبياض قلبي وطهارته لاتحتمل شروركم ومكركم.
بكت على رحيلها القلوب قبل الأعين.. فقد جملها الله من الداخل والخارج..
لقد كانت ساره تستحق ان ترى جمال الدنيا وروعتها ولكن الدنيا أرتها جميع انواع الألم.. ألم الظلم .. ألم الذل من أحقرالبشر.. ألم الحرقه..
سلبت منها الدنيا كل شيئ ..
وهكذا رحلت الرحيل الذي تقفل بعده كل الأبواب.. رحلت لحياة أفضل.
وداعآ ياساره يا من حملتي سرآ أعيا قلبك الطاهر..
ارقدي بسلام ياساره اطمئني يا اقرب صديقاتي..
فلن يضيع حقك ابدآ..
اسمحي لي الآن أن انشر قصتك لجميع البشر..
حتى يشعر كل من قرأها بجزء مماشعرتي به من عذاب.
اليكم هذه القصه .. اسردها عليكم أنا صديقتها لمى.
والله شهيد على صدق ما أقول.
ارجو من كل من قرأها يساعد على نشرها وفضح هؤلاء السفله. ارجو النشر حتى تصل لأيدي المسؤولين ويمسكونهم..
لأني خفت أبلغ عنهم ويصير مصيري مثل ساره.
فماكان اقدر اسوي إلا الطريقه هذي..
فانشروها حتى تصل لمن يأخذ حق هذه المسكينه.
من مجرمين مخدرات.. وخمر وحشيش.. ولعب بأعراض الناس.
منقووووووووووول
