محمد من سماء الباري صــار الـنــور ..... ومن نورة هدة كلوب البشر بايمان
محمد للعرش سرة النحت بســطــور ..... بكل حروف دينه وأصبـح القــرءان
قرءان النبي وربك تراه اختــــــــــار ..... محمد والعلي الكرار سـيف الديــن
حيدر راية هو ويشهد الديــــــــوان ..... مرسوم الصراط بجف ابو الحســنين
مرسوم الصراط بجف ابو الحســــنين.... البيـــــه التناجا ادم وحـــــــــــواء
ومايعبر ابد كلمن بغض هالــــــدين .... فاطم ام ابوها الطـاهرة الزهــــــراء
فاطم ام ابوها كوثر الجنــــــــــــات ..... صارت للخلك معروفة ام حســـــين
ضنوتها الحسن ياشيعة ابو الافضــال ..... علمها المعالم بيش لاوة البيـــــــن
علمها المعالم بيـــش لاوة البيــــــن..... ومن طاح وكع كام وحمل كل هـــــم
لبو السجاد شلها بكربـــلاء الجـــــور ..... وعالسيف انتصر لحسين منه الــدم
عالسيف انتصر لحســـين منه الــدم ..... وابن حسين راية اتعلى بالميـــــدان
علي الاكبر بزودة الشـال بيدة الراس .... لبن غانم رماه أعلى الكفر برهــــان
برهان الشجــــاعة التثبت بكل حيـن ..... من روح الوفاء وباقر الاعــــــــــلام
محمد بن علــــي بحر العلم للنـــاس ..... وبعلوم الاصل تاج اصبح الكل هـام
تــــاج الهام اصبح للعلم والنــــــور ..... وعلم للصادق بنورة اعلى هام الكون
متفصل صبر والجود الــــه العامــود ..... جعفر للمبادئ صار هو العـــــــــون
اصبح عون لجفوف الصبــر معــروف ..... موسى الكاظم بصبرة الهدمها سجون
وبنه جسر الائئمة بدمعته المظلـــوم ..... سراط مستقيم اتهل عليه اعيــــون
جم عين التهل هظم الدمع بالنــوح ..... من ســـــباح كلب اتغرب ورحـــــال
بارض طوس البعيدة الحكمته الاقدار ..... ابن موسى الرضا من حال شل الحال
من حال الهظم زاح الدهر بالجــــــور ..... للجود التعدة وماتعــــدة ابعــــــاد
ابن موسى الرضا واتثبت اباوصــاف..... من اسمه وكيانه اتوصف الجـــــــواد
كيان وذات متفصل على اهل البيت .... والهــــــادي بمودته يبرد الجمـــــرة
ويشل جرح الزمن من طيبته هالناس .... علي الهادي ويزيح ابكل صدر حسـرة
نزيح هموم بينه ومنهم الاطهار..... وبسم العسكري تنشف جثيرة دمـوع
يادمعة البقت سيالة عند الناس ..... بحروف الحسن تتحول انه اشمــــوع
شمعات الفرح نشعلها احنـه بيــوم ..... مولود الجديد بطلتة الهالنـــــــاس
منتظرين هاي سنين نبقـى انريـد ..... زود المنتظر واليجلي بينـه ارجــاس
اهل البيت رحمة من الجليـل ونور ..... لولاهم ابد جـا ضعنه جـا تهنـــــــه
نور اعلى الفكر والنور للانظـــــــار ..... ميزنة وعرفنـه النــــــار والجنـــــة
بعد بيهم اصول الما اله تفســــــير ...... ســبع الكنطرة العبــــــاس والحرة
واطفال الجنائن صاروا انــــــه ورود ...... واعطــور الوفـــــاء الصحبة العترة
////////////////////////////////////////
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
