طــــعــــنــــــــــــــــــــة

طــــعــــنـــــــــة

تِطْعنّي … إوْ تِگِلّي

إبكل بساطة... إرتاح!

ما حسَّيت..!

دمّي الحمل حبَّك..

من تبدّى وساح..


واني ابكل حرف منَّك

يتناغم على شفافك..

أحس مطعون.. يالصَّوتك تعدى وصاح...!


تطعن خنجرك بالروح..

واني ابلهفة المجروح..

أحضنه.. إوْ أشم عطرك فاح...


أتغاضى إوْ دماي إتسيل...

وانا بلهفة الياويل..

أحب إجروحي في حبَّك...

وحب تعبي بهواك الرّاح..!


يالعطرك يفوح ابهيل..

يا غنوة بتوالي الليل...

يا زخَّة مطر يا سيل.. يا بسمه..وعرس وافراح!


تذبحني إوْ تِريد أهواك..

وتواصل بعد ويَّاك!

هيچي اتگطِّعه المضناك... وتگلَّه أبتسم .. وارتاح!


سهمك ثبت وسْط احشاي..

ما فاد العلاج إوْ ياي

آني إمظلّمة دنياي.. وانته الفجر يمّك لاح!


عالقبلة اذبحتني..

وبالله ما سمَّيت

لا هَلَّن دموعك.. لا عَلي حنَّيت..

وتشوف الذَّبيح..ا گبال عينك طاح


إذا بيك المحنَّة..ابهل سهولة تموت

وتظل المشاعر... تحترگ بسكوت

وتغادر جسدها.. إوْ تزهك الأرواح


يعني اتريدني أسكت..

وانا شوگي إيفيض

واتعذَّب ونوح.. إوْ أدگ راح براح!


واتقبَّل طعنْتَك..

وبْبَقايا الرّوح..

من ضيمك عذاب .. إوْ قهر ما ينباح


إنته إترديني إگبالك

صخر جلمود!

ما عندي انفعال .. إوْ شبَح بين أشباح


قابل آني موسى..

وموسى لمَّن ضاج …

جَر لحيَة أخوه .. إوْ كسَّر الألواح


گِتلك ألف مرَّة..

إحْبَيّب! آنا انسان …

تضنيني المشاعر .. كل مسا ومصباح!


أذوب إبكلمة منَّك..

واحترگ بالشَّوگ..

واتعذَّب إبكلمة ... إوْ تملي گلبي إجْراح


يا تَوْأَم فؤادي..!

إوْ يا حبيب الروح..!

يا كل الأماني .. إوْ إلها صرت إجناح


رغم الصّار منَّك..

تبقى وسْط العين...

وحدَك بيها طيفك .. بالحلم لو لاح!

د. هاشم الفريجي

وانا بلهفة الياويل..

أحب إجروحي في حبَّك...

وحب تعبي بهواك الرّاح..!


يالعطرك يفوح ابهيل..

يا غنوة بتوالي الليل...



طرح بغايه الروعه

وكلمات جميله ومعبرة

أشكرك على هذا الابداع

و بنتظار جديدك المقبل

گِتلك ألف مرَّة..

إحْبَيّب! آنا انسان …

تضنيني المشاعر .. كل مسا ومصباح!

أذوب إبكلمة منَّك..

واحترگ بالشَّوگ..

واتعذَّب إبكلمة ... إوْ تملي گلبي إجْراح

ثائرة حروفك بروعة هادئة
وعزف ٌ يوحي بحزن شديد
أريج إحساس موجع
ملبد ٌ بغيث الابداع

سرني اقتحام سطورك رغم الألم
وامتعتني حروفك
سلم المداد والأحساس ايها الرائع
لك اطيب تحياتي

اقتباس:

---

المشاركة الأصلية كتبت بواسطة نور القمر2

وانا بلهفة الياويل..

أحب إجروحي في حبَّك...

وحب تعبي بهواك الرّاح..!


يالعطرك يفوح ابهيل..

يا غنوة بتوالي الليل...



طرح بغايه الروعه

وكلمات جميله ومعبرة

أشكرك على هذا الابداع

و بنتظار جديدك المقبل

---

نور القمر

نورت المكان بكلماتك الرائعة

لك شكري وتقديري

اقتباس:

---

المشاركة الأصلية كتبت بواسطة ام فيصل

گِتلك ألف مرَّة..

إحْبَيّب! آنا انسان …

تضنيني المشاعر .. كل مسا ومصباح!

أذوب إبكلمة منَّك..

واحترگ بالشَّوگ..

واتعذَّب إبكلمة ... إوْ تملي گلبي إجْراح

ثائرة حروفك بروعة هادئة
وعزف ٌ يوحي بحزن شديد
أريج إحساس موجع
ملبد ٌ بغيث الابداع

سرني اقتحام سطورك رغم الألم
وامتعتني حروفك
سلم المداد والأحساس ايها الرائع
لك اطيب تحياتي

---

ا

لرائعة ام فيصل

تبحرين دائما بشراع يعبر بحار الاشواق . .
وتسرقين محارات الاعماق
وتشرقين لآليء ملونة بشعاع الاقمار
وتقرأين ما بين السطور . . بعيون ثاقبة
لا تحجزها جدران الرموز.. ولا ستائر الغموض
فتخترقين قلاع العشاق الى سويداء قلوبهم
لترسمي بكلماتك ورقيق عباراتك . .
ما لم تبح به ابيات القصيد . .