ابوذيات شوك

قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه


الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه


عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه


شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

:66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6):

للامانة منقول مع تحياتي

جميل جدا ابيات غايه في الروعه

حلو " حلو " حلو
غير هذا ما اكول
حياك الله

شكرا على هذا الذوق الجميل
تحياتي

جميل اختيارك
وذوقك ابوذيات
رائعه
ننتظرالمزيد
يالغاليه