سجن البلابل... منقول للشاعر ناظم الحاشي

دوس اعله الورد....
كام الورد ينداس ...
بس عطر الورد ماتكدر اتدوسه
يصح واحد ...
جريمه اعله الوجه ينباس
اواحد بالرجل ..يستاهل اتبوسه
يالعندك شمس ..
لازم يجيلك ليل ..
ويجبرك غصب تحتاج فانوسه
لتأمن زمان ..
العلم الطاووس..
يتبختر..اوهلس ريش طاووسه
ياتابوت ميت ...
ما تشيله جفوف ..
حتى نكول مات .وشالته فلوسه
فك سجن البلابل ...
يازمان الخوف ...
ليش ابلا ذنب ..عالصوت محبوسه
لا تعبد صنم ...
وتشوف بيه فرعون..
واتلم الحيايه ..وتنتظر موسى
او لتخدر الورد..
من شتلة الكمون...
والشتلة الخبيثه..بصفها مغروسه
اولتلوم النهر ...
لوم اليناوش ماي ...
من تعطش كباله...وماترس طوسه
ليصيبك عجب ...
يالعصبر منفوس..
الموته ابهل الزمن.. عالموت منفوسه
بالك لا تشم ..
ريحه ورد مشموم ..
وجلدك لا تلبسه ..هدوم ملبوسه
ولتكلي العمر ...
يستاهل احنه نعيش..
والواكف يلوج..الطاح بضروسه
موت بيا زمن ..
مو مشكله منتموت..
بس اترك اثر ..وافعال ملموسه
دك عمره...
المسيح ابخشبه الكتال
حتى الناس ..تسمع صوت ناقوسه
نام ابلا خبز ..
خليك ميت جوع...
ما غرغت بطن...والعين متروسه

كام الورد ينداس ...
بس عطر الورد ماتكدر اتدوسه
يصح واحد ...
جريمه اعله الوجه ينباس
اواحد بالرجل ..يستاهل اتبوسه

هالله هالله مااجمل
هذه الصوره
لك ولجميل نقلك وامانتك
كل الحب والاحترام
كن بالف خير يالغالي
محمد علي
العقابي

تسلم على هذا التعبير الجميل ياغلي واخي العزيز
الشيخ ابو حيدر واتمنا ان تكون بخير وصحه
تحياتي لك محمد العقابي

يازمان الخوف ...
ليش ابلا ذنب ..عالصوت محبوسه
لا تعبد صنم ...
وتشوف بيه فرعون..
واتلم الحيايه ..وتنتظر موسى
او لتخدر الورد..
من شتلة الكمون...
والشتلة الخبيثه..بصفها مغروسه
اولتلوم النهر ...
لوم اليناوش ماي ...
من تعطش كباله...وماترس طوسه





ولجمال المعاني وروعة الاحساس لون وطعم ٌآخر
وجدته هنا بين سطور تحلت بالألم والوجع
وارواح ابت الا ان تسمو فوق آهاتها بعزة وكبرياء

ابو جاسم
كل الشكر لك ولجميل تذوقك
قصيدة غاية بالجمال والروعة واختيار مميز
سلم لنا هذا العطاء ودمت

مع خالص تحياتي لك

اشكرج اختي العزيزة ام فيصل الغاليه
نورتي بوجودج المنتدى واتمنا ان لاتمري
بضروف تقهرام فيصل اشكرج جدا
لكي خالص تحياتي محمد العقابي

رائعة القصيدة ياابو جاسم
دومك روعة
تحياتي الك والى الاهل

يسلموووووو لكات روعه شكراً عل نقل الجميل