ذيل الجلب ماينعدل

الى كل العراقيين الشرفاء السلام عليكم
اليكم قصيدة المنافق عباس جيجان وهي تعزية لبنت الطاغية الهالك صدام لا اقول شيئا الا حشرك الله ياعباس جيجان مع صدام


ويه الفجر... يوم العيد .... وي نحر النحور... صدام قدم للوطن روحه

ويه الفجر... يوم العيد .... وي نحر النحور... صدام قدم للوطن روحه

أجه مثل ألأسد ... مجروح ... يمشي ... وتضحك جروحه

أجه , أجه مثل ألأسد ... مجروح ... يمشي ... وتضحك جروحه

هم شايف جبل ينكاد ... واذا شفت الجبل مكيود.... تلكه العله بسفوحه

هم شايف جبل ينكاد ... واذا شفت الجبل مكيود.... تلكه العله بسفوحه

ويه الفجر... يوم العيد .... وي نحر النحور... صدام قدم للوطن روحه

أجه مثل ألأسد ... مجروح ... يمشي ... وتضحك جروحه

هم شايف جبل ينكاد ... واذا شفت الجبل مكيود.... تلكه العله بسفوحه

مثل ألنخل مات... وكوف ...شاخص ... شامخه صروحه

لو هيج الرجال تموت ...لو غم الرجال بموت ...ماصخ مابه ملوحه

مثل ألنخل مات... وكوف ...شاخص ... شامخه صروحه

لو هيج الرجال تموت ...لو غم الرجال بموت ...ماصخ مابه ملوحه

ويه الفجر... يوم العيد .... وي نحر النحور... صدام قدم للوطن روحه

بجيت ... ومابجيت عليك ... بجيت عله ألزمان ألضمك بلوحه

بجيت ... بجيت ... ومابجيت عليك ... بجيت عله ألزمان ألضمك بلوحه

وبجه .. حتى الفرات عليك ... ونهر دجلة.... أنتحر موحه

أذن... تستاهل ينوح عليك... شاعر مابطل نوحه

بجيت ... ومابجيت عليك ... بجيت عله ألزمان ألضمك بلوحه

لأن انت ألوحيد الخليت ألمشانق للرجال تصير مرجوحه

لأن.. لأن أنت ألوحيد ألخليت ألمشانق للرجال تصير مرجوحه

رغد .... رغد... يارغد لاتبجين .. بس دمعةحزن ... للزين مسموحه

رغد... يارغد لاتبجين .. بس دمعةحزن للعين ... للزين مسموحه

أبوج ... أبوج ألكتب أسمه بجبهة ألتأريخ ... كعبه ألوطن عنده ... وعاليه سطوحه

رغد... يارغد لاتبجين .. بس دمعةحزن للعين ... للزين مسموحه

أبوج ... أبوج ألكتب أسمه بجبهة ألتأريخ ... كعبه ألوطن عنده ... وعاليه سطوحه

ألزمن يشهد لبو ألليثين .... ألزمن يشهد لبو ألليثين

ألزمن وألوطن يشهد .... ولو أني شهادتي بصدام مجروحه

مادنك براسه وأنحنه الجلاد .. رغم سنسلو رجله وشدو جفوفه

مادنك براسه وأنحنه الجلاد .. رغم سنسلو رجله وشدو جفوفه

رفض ... رفض يلبس نكاب الموت... وضحك عل الموت سنه ... وعينه تشوفه

رفض ... رفض يلبس نكاب الموت... وضحك عل الموت سنه ... وعينه تشوفه

عجل .... عجل وألله يتباهه...يسجل ألتأريخ عنه وتكتب حروفه

عجل .... عجل وألله يتباهه...يسجل ألتأريخ عنه وتكتب حروفه

موحبل العلى الركبه طلع ملفوف. موحبل العلى الركبه طلع ملفوف

.. ركبه عالحبل طلعت الملفوفه

أذن حقه ألعرب تحزن عليه.. وتنوح... وكع خيالها .. وألشمس مكسوفه

أذن ...أذن حقه ألعرب تحزن عليه.. وتنوح... وكع خيالها .. وألشمس مكسوفه

من صغره عجيد...عنيد...وضد ألأستعمار.. أبوج ألوصل سابع جار معروفه

من صغره عجيد...عنيد...وضد ألأستعمار.. أبوج ألوصل سابع جار معروفه

وأذا البصرة حزنت مصباح يوم ألعيد... يم تكريت طلعت تلطم ألكوفه

وأذا البصرة حزنت مصباح يوم ألعيد... يم تكريت طلعت تلطم ألكوفه

وأجت نينوى .. نينوى محنيه ألظهر وتصيح .. وين أبن ألرمادي ألباشطه سيوفه

وأجت نينوى .. نينوى محنيه ألظهر وتصيح .. وين أبن ألرمادي ألباشطه سيوفه

سووها ألعلوج ودنسوا ...بغداد ...يابغداد ... وعاصمة ألرشيد أصبحت مجتوفه

سووها ألعلوج ودنسوا ...بغداد ...يابغداد ... وعاصمة ألرشيد أصبحت مجتوفه

أذن ... أذن تستاهل عليك ينوح شاعر المابطل لنوحه

لأن أنت... ألوحيد ... ألذي خليت ألمشانق للرجال تصير مرجوحه

ولمن اراد سماع القصيدة
http://up.9q9q.net/up/index.php?f=JjHlMiTuq

اخي الكريم , شكرا لك لقد سمعت بأن عباس جيجان نشر قصيدة يرثي فيها
سيده والمنعم عليه سابقاً لكني لم اقرأها , لاني بالبدء لم اصدق
على اعتبار ان تاب بعد خروجه من العراق .

لكن الضاهر مثل ما قلت ابد مينعدل
والكل ميخفي عليه ماضي هذا الشاعر وكيف كان يمدح بصدام لاعوام كثيرة
في مهرجانات الشعر التي كانت تنضم انذاك
ولاسيما اثناء الحرب العراقية والايرانية
لا يخفى علينا كان كان يقبل الايادي حتى ينال رضى صدام واكرامايته وعطاياه
المنسلبة من دماء ابناء الشعب العراقي

مثل هذه النماذج لا اعتقد ينصلح حالها , ورغم اننا صدقناه حين اعلن توبته وعندما بدء يعلن فضائح النظام السابق
في الفضائيات اثناء اللقاءات معه , مثل هذه الاعمال تبرهن لنا مدى النفاق ومدى الانحطاط
الذي ينهجه هذا الشاعر المتملق لكل من يردغقه بالاموال .

الله يلعنهم كلهم ان شاء الله

تحياتي