جسر ونهر ----رائعة يحيى العلاق---

قصيدة للشاعر يحيى العلاق
نقلتها لكم علها تعجبكم كما اعجبت بها









على جرفي لگيتك جسر مطروح
تالف معدنك وعيوبك اهواي

بالقدره رفعتك ردت احييك
اوگمت تسوه لأن خليتك اوياي

اسمعك تهمس أبأذن اليعبرون
وتگلهم عليت اوصار جواي

اصحه آنه نهر لوعفتك اتموت
ليغرك عليك الراح ولجاي

هذوله اجدامهم سولفت وياك
بس اعيونهم سولتهه طرواي

صدگني ابعلاتك ماالك زود
الناس اندلتك من زود مجراي

من انشف تضل محد يمر بيك
تصعد قيمتك من يصعد الماي

بيه اتريد تغدر ياترى اشلون؟
طب سابع ارض ماتلگه مگفاي

وذا جدم اليدوسك واگف اوياك
شگول آنه النوارس كلهه وياي!!

طبع الجسر ثابت.ونته مهزوز
شخصيتك ضعيفه اوماالك راي

حيه ابلا كرامه ارباة الهنود
يطردهه الگصب ويجيبهه الناي

اشگد گتلك تهده اوماتهديت
طب من هاي حجيي اوطلع من هاي

حفر لحدك غرورك وآنه هليت
عليك اتراب دفنه ابكبر دنياي

ماذمك .اذكرك دوم بالخير
من اذكر محاسن بعض موتاي


تحياتي لكم

شكرا لك عزيزي النجم العراقي
على هذه القصيدة المتميزة
وما حوته من صور شعريه جميله
تحياتي لك وللشاعر يحي العلاق

منور القصيدة يا سومري
تحياتي الك وتسلم لمرورك

صدگني ابعلاتك ماالك زود
الناس اندلتك من زود مجراي

من انشف تضل محد يمر بيك
تصعد قيمتك من يصعد الماي


وإيقاع ٌ سطَّـر للغرور لحن نشاز
ولوّن المعاني بطعم المرارة
كلمات جدا رائعة
واحساس مؤلم للروح لبعض البشر التي تتوشح بالغرور
وتنسى من كانت هي ,,, في يوم من الأيام

شكرا للإنتقاء الرائع ايها النجم اللامع
والشكر موصول لصاحب القصيدة الجميلة الشاعر يحيى العلاق
دام لنا احساسك عزيزي
مع اطيب تحياتي

النجم العراقي
انتقاء جميل
تحياااااااااتي

ام فيصل
يعجز الشكر فردودك بكل بساطة عظيمة
تحياتي لتواجدك
ماننحرم من هالاسم يارب

طالب يا طالب
منور الصفحة
وانتة الرائع حبيبي
تسلم لمرورك الكريم

النجم العراقي
ذوق رائع
ونقل مميز
شكرا لامانتك في النقل
تمنياتي لك بالخير والسلامه