الى سيد الكونيين وابو السبطين امير المؤمنين علي (ع)

علي بالطبره وفه علي حيدر علي
صايم لاكه حتفه علي حيدر علي
علي جرحه الكرامه وينزف أمال
علي بكل قطره دمه بدينه لوسال
علي حيدر علي
___________________
علي من يسجـــــد لربــه الجبال وياه
ومن هيبت خشوعــه الــحجر يتنخاه
فوك أهل العقــول البــاري من علاه
ودرب ليل المــعاجــــز حيدر اندلاه
عشك جدمه اليتامه علي حيدر علي
حمل شوك الحمامه علي حيدر علي
علي بحقه انضرب بالدنيـــا امثال
علي بكل قطره دمه بدينه لو سال
علي حيدر علي
___________________
علي وكت الفجر طبروله هام النور
ونسوا بركانه ربه أعله الطغاة يثور
باجر مو جــذب لابل صدك مذكور
تضل نار القيــــامه بكل جثثها تفور
يضل قاسمها عدله علي حيدر علي
ترفض هي جتلــه علي حيدر علي
علي تنصت الجنه لحـــجيه لوكال
علي بكل قطره دمه بدينه لو سال
علي حيدر علي
____________________
علي حضن اليتامه الــدافي وكت الليل
ويضل صفحة فخر تقراه عيون الجيل
ثابـــت والي حيـــــــــدر رافظ التبديل
اذا هو الجبــــــــل بالريح صعبه يميل
واكف مثل الجبـــال علي حيدر علي
يشبه وكفت ابطــال علي حيدر علي
علي بالريح ابــــــــــــدا هو مامال
علي بكل قطره دمه بدينه لو سال
علي حيدر علي

علي بجرحه النزف سالت دموم الدين
غيره يشع ضواها بســــــاعة التكوين
هذا أعله المكارم قمه ابـــــو السبطين
بس للباري دنـــــــك وانطبــر بالحين
جبينه يسيل دمــــــــه علي حيدر علي
بقه اعله الدين همـــه علي حيدر علي
علي لأسلامه يشهد واقــــع الحال
علي بكل قطره دمه بدينه لو سال
علي حيدر علي
___________________
علي بجسم المزايا بفعلــه جن شريان
غذه عقول صلبه وشـــاف بيها ايمـان
هذا البالعلم خــــــــط عالكمــر نيشان
كتب مجــد المعــــــارك داحي البيبان
فارس مثله ماصار علي حيدر علي
بطل يسمه كرار علي حيدر علي
علي بضربة سيوفه يطيح الجبال
علي بكل قطره دمه بدينه لوسال
علي حيدر علي
____________________
علي شــــاء الالـــــه يلاكي حتوفـــــه
ورب العــــزه مشتـــــاك لعلي يشوفه
عطاي اليتامــــه الــــــــــــوسم جتوفه
بهذاك العــــوز يشهد فضلــــه بالكوفه
جفه اليشبع الظيف علي حيدر علي
ابد مايحجي بالحيف علي حيدر علي
علي منهج يضل تتعلمـــــه أجيال
علي بكل قطره دمه بدينـه لوسال
علي حيدر علي
_____________________

خادم اهل البيت ع
طالب الشطري

الشطري بوركت وجزاك الله خير الجزاء

طيب الله انفاسك
على جميل ماسطرت بحق مولانا ابا الحسنين عليه السلام
جعلها الله في ميزان عملك
مع اطيب تحياتي لك عزيزي

طالب الناصري
ام فيصل
شكرا للمرور الجميل
وبارك الله بكم اخوتي الاعزاء
اخوكم

تسلم اخي طالب على روعة ماكتبت بحق مولاي امير المؤمنين عليه السلام جعلها الله في ميزان حسناتك انشاء الله

وانتي السالمه
عزيزتي بنت البصره
شكرا لمروركِ الكريم
اخوكِ