يا صفنتي. . . خالد الفراتي

ياصفنتي ..البدلت لون السوالف ..لون ضحكة

..
وياسوالف عشكي الاول..شايل بنظراتة عيد..
تصفن بوجهي وتكلي..

يابعد عمري شتريـــــــــــد...

وين مثل اشفايفك الكة دليل..
شايلة لشفتي بريــــــــــــــد..
..
من فتحت اول رسالة..
ضحكت اخدود الرسايل..
وانتفض خلكي البعيــــــــــد..
صوت مربوط وي شريان الرسالة..
(حبيتك انة حبيتك حبيتك)
..
اتبعثرت كل الظنون ..واختفى الليل ومساحاتة وملامة..
واحتفل واهس خيالي..
وثبت بصدري علامة..

شوك مايقبل يهـــــــــــيد..
يمشي وي الروح..يسكن بالوريـــــد..؟
انة اجيتك..والله جيتك..
بيه لهفة مستحاتي..
وبية صورة ذكرياتي..
وبيه اول صرخة منك..
(طالبت هل من مزيـــــــــد)

...

اي نعم اذكر اني...
اول الكلمات واللحن وهواك..

من كلتلي..(لاتحبني)

لاتعذبني وراك..
(ولاتعذبني معاك)
وهسة...
صرنة اثنينة نعيش بجســــــــــــد..
رغم اني..وانتة مونفس البلـــــــد
(بس بعـــــــــــــد)
؟؟
اي بعد يكبر خضارك..
وتشتل بروحي نهار..

واغرك بنبضات شعرك ..وااوصل لاخر محطة.
واغفة باحضان القطار..

وانزل بضفة غرامــــــــــك..
واستــــــــــــريح..
وابقى بااحضانك مسافر
(وابد نازل مااصيــــــــــــــــــح)

....
ها..بعد..خليني اصلي..
هاي اول ركعة منذورة فرض..

وهاي ثالث ركعة..(حباَ للارض)

وثاني ركعة..
جانت النية..نموت..

ونحيا لمن تنتفــــــــــــض..

واخيــــــــر..

خل اكملك تراتيل العبادة..

وخلي ادعي..

بصوت ناصي..
حتى ماتسمع دعائي..

يابعد عمري شتريـــــــــــد...

وين مثل اشفايفك الكة دليل..
شايلة لشفتي بريــــــــــــــد..

البغداديه
غزل جميل جدا
نرتشف من خلاله
عبير الورود وشذاها
فشكرا لهذا النزف العذب

اقتباس:

---

واغرك بنبضات شعرك ..وااوصل لاخر محطة.
واغفة باحضان القطار..

---

اقتباس:

---

---

البغدادية

وهل سيقدّر ما ناجيتِه به

شكرا لجميل طرحك

فقد حاكى منا الروح

تقديري واحترامي

مريم عودة

..
اتبعثرت كل الظنون ..واختفى الليل ومساحاتة وملامة..
واحتفل واهس خيالي..
وثبت بصدري علامة..

شوك مايقبل يهـــــــــــيد..
يمشي وي الروح..يسكن بالوريـــــد..؟
انة اجيتك..والله جيتك..
بيه لهفة مستحاتي..
وبية صورة ذكرياتي..
وبيه اول صرخة منك..
(طالبت هل من مزيـــــــــد)




البغدادية ابدعت بتلك القصيدة الرائعة تحمل معاني كثيرة
دمتي بالف خير
تحياتي لك