كوكبه من الدارميات لمحبيها

أتمنى أشوفك دوم يسعدني ملكاك_
وجروحي كلها أطيب لو أكعد وياك_
أتمنه أصير گلاص وأنزل على أشفاك_
وكلما گلت عطشان أتباوس أوياك_
عاشرت ما خليـت حتى اليرضعون_
وحلفولي بالعبـاس من نكبر انخون_
أرسل سفينة ورق يحمله موج الليل_
قبطان بيها الوفه والرحله أحبك حيل_
ميـت بجيـت عليـك محد سمع صوت_
هم شايف أنت دمـوع بخـدود اليموت_
شنهو الجمال البيك عمي انته بلوه_
هم وجه هم خدود هم ضحكه حلوه_
لاتضن أنه أنسـاك مهمـة أختلفنـة_
لو بسمـك أيصيحون تاخذني صفنـة_
انته ذهب ياذهب والذهب منك غار_
يتمنى خاتم الك وبيدك يصير سوار_
راسلتك بنقال لو تعرف أشگال_
تم انتقال الروح مو تم الأرسال_
مادام انت ذهب يعني انت تاج الراس_
ينقاس بيك الذهب مو بالذهب تنقاس_
شلنه وسكنه بعيد واصبحنه غياب_
بس طبع بينه نموت وماننسه الأحباب

مجموعه رائعه من الدارميات
سلمت اناملك وتحياتي اليك

باقه رائعه ومميزه اختي الكريمه

جسدها ورسمها قلمك المميز هنا

تقبلي مروري بموضوعك وسلمت اناملك 0

شكرا لكِ عزيزتي على هذا الجهد المميز في الأنتقاء
خالص تحياتي

منورني مروركم الجميل
دمتم بخير