بالافراح اجينه ,لمولد الحجه (عج)
بالافراح اجينه ... نستقبل ولينه
نثرو الزينه بالدار ... القائم عدنه خطار
قائدنه وولينه
ــــــــــــــــــــــــــــــــــــــــــــــــــ ـــــــــــــــــــــــــــــــــ
دنيتنه انملت فرحه وقناديل ...والوان السعاده
جن قلبي وصدح ويه المواويل ... صاح بلا اراده
افرح خلي الاعذار ... القائم عدنه خطار
قائدنه وولينه
فدوه القلب الك يا مهدي والروح ... يا عيني وفؤادي
بجيتك يا امامي تموت الجروح ... ويتحقق مرادي
ورده بين الازهار ... القائم عدنه خطار
قائدنه وولينه
يا شمعة فرح بين الموالين ... يا فخر العقيده
افدي المنتضر بجفوني والعين ... وبدمي ووريده
هل نور ابن الاحرار ... القائم عدنه خطار
قائدنه وولينه
كطرات الندى على اغصان الورود ... رسمت احلى صوره
وعطر الجوري غار امن احلى مولود ... هذه المهدي نوره
نبارك حامي الجار ... القائم عدنه خطار
قائدنه وولينه
يا صبر الليالي وتاج الاشراف ... يا كرة نبينه
ما ينعاف ابد حبك مينعاف ... نقسم يا ولينه
نحبك يبن الابرار ... القائم عدنه خطار
قائدنه وولينه
رحيم الحسناوي
رد: بالافراح اجينه ,لمولد الحجه (عج)
يا صبر الليالي وتاج الاشراف ... يا كرة نبينه
ما ينعاف ابد حبك مينعاف ... نقسم يا ولينه
نحبك يبن الابرار ... القائم عدنه خطار
قائدنه وولينه
نبارك للأمة الأسلاميه وللموالين على الخصوص
ذكرى ميلاد منقذ الأمة الذي يملئ الدنيا قصطا وعدلا بعد ما ملئت ظلما وجورا
سيدنا ومولانا وقائدنا الأمام المهدي عجل اللهم فرجه الشريف
اخي وعزيزي رحيم
طيب الله انفاسك وأطال عمرك
في خدمة محمد (ص) وآل بيته الأطهار
دمت برعاية المولى
رد: بالافراح اجينه ,لمولد الحجه (عج)
نبارك لكم ميلاد سيدنا ومولانا وقائدنا الأمام المهدي عجل اللهم فرجه الشريف
طيب الله انفاسك وجعلها في ميزان حسناتك
ربي يوفقك
تحياتي