وياك الدهر هم شد الحزام
وانته ويه الدهر خيبت ظني
عمدا حملاني اجروح وجروح
وي جرحك اتخاون وآلمني
والسنة الشماته اتكول وتعيد
صرت الهن علج وتلاكفني
ومسجل حضوري ابليل الاهات
بس احلامك اكبالي وسبني
مااذكر نسيت وغمضت عين
دوم اسمك يدك باوتار وني
ضواري الهم ولني ومابعد حيل
جنت احلم اشوفك لو ولني
اتوجه اعله آه الروح وانخاك
بغشامه توقعت منك تشلني
مدري تغشمت لو حظي وياك
لو كثرة اذنوبي ايلاحكني
هلبت من خنت جاغزر اوياك ؟؟
لوماصخ الزاد ومايهني ؟؟؟
ولاملح الدموع الغزر اوياك
ولاذاك الدلال الشفته مني
ابثكل جفه الدهر يتلاوه وياي
واسراب الظنون ايعذبني
وانته ويه الدهر هالصفكت حيل
والدك بالنبض !!! عاليوجعني !!!
بس دمعه يتيمه هدت اوياي
من شافت ادي ماعاونني
عمر عده اربعينه امناوب الضيم
وخساراتي وصفنتي سممني
دك نبض الكلب !! ها كتله شتريد ؟؟؟
كال الذنب ذنبك لاتغني !!!
هذا الوكت غابه المثلي ميعيش
شوف اذنوب طيبي اشوصلني ؟؟؟
ورغم كل الجراح اتوسلت بيك
واذاناتك السمعن جذبني
ودست ابخاطري من اسالت .. ليش ؟؟؟
كلت اجروحك انته ...مايهمني
وياك الدهر وشفاف العتاب
رفضن رفض قاطع ينصفني
وياك الدهر هم شد الحزام
وانته اويه الدهر خيبت ظني
***** بقلمي *****
