الى مقام سيدي ابي الفضل العباس عليه السلام
***
نبت حبـّك ويانه واحنه رضعان
وبقه ثابت لحد ما شيب الراس
وقياسات المحبه اتعدت حدود
تزيد اعله الوصف وبدون مقياس
نحس بيك انت غالي وحبك هواي
نحبك بالضمير واجمل احساس
يالبگلبي محـبـتـك تظـل للـموت
مجراها بدماي ومجرى الانفاس
طاهر وابن طاهر نسل الاطهار
والك ثوب الطهاره امفصل قياس
يمن شوفة ضريحه تسر الگلوب
ومن شمة نسيمه اتعطر الانفاس
ال يحبك شريف ومن ظهر طيب
وال يكرهك سفيه ومن الارجاس
كراماتك چثيره وگــلت معلوم
وانه الخجلان من اطلب ولاباس
غـيـــــرك بأسه امحــدد ولاباس
من ازورك چفن شايلـلي ولابس
واريدن موتتي بصحنك هويه
000
ابن حيدر علي ويا نعم الانساب
شجاعه ومرجله ابن داحي الباب
كريــم وما ترد حاجة الطـلاّب
اليقصدك سيدي بالطلب ما خاب
يحاوي المكرمه وبالحرب تنهاب
شرف النه وكرامه انجيك زوار
نگصد كربله ونبوس التراب
000
صدگ ننسى ونتيه بدرب الآثام
وتاخـذنـه سكـك لذة الجلاّ س
وترجعنه محبتك يبو الشارات
ويجينه انذار منك يشبه اجراس
نجيك مهبطين وتجري العيون
نعطر اجسامنه بعطرك يعباس
نعطر اجسامنه بعطرك يعباس
بقلمي 0
