http://smiles.al-wed.com/smiles/65/f4.gif
صفت روحي حزينه وعاشكة النوح
وانا جفني بغيابك عاشك الدمعه
وأذا اصبر الجفن شيصبر الروح
وطفل روحي بغيابك مابلغ سبعه
ياروحي بغيابك كلبي مجروح
وجنت انت بظلامي تصير الي شمعه
وأنا عكبك شبيه الطير مذبوح
http://smiles.al-wed.com/smiles/65/f4.gif
وطحت عكبك حبيبي بمية ألف وجعه
تعبني الالم والصوت مبحوح
وخاويت الحزن بس انحب وأنعى
وجفني ماغمض كل وكته مفتوح
هجرني النوم راح وبعد شيرجعه
أصبر الروح كوه وجفني مفضوح
وكلبي على البعد صار الحزن طبعه
وأشييم بالصبر أذتني الجروح
وأفزع كبريائي المات بي فزعه
http://smiles.al-wed.com/smiles/65/f4.gif
كمت أضحج جذب والجذب مفضوح
وترد تهمل دمعتي وتنزل بسرعه
أبحر حزنك حبيبي الكلب سابوح
ويصرخ يا ومحد يسمعه
ويضل صوت الصدى بأذني وأبد ميروح
ويفز مجبور كلبي على الصدى يتبعه
أحضرني على بختك ياسفينة نوح
http://smiles.al-wed.com/smiles/65/f4.gif
طوفان الحزن مايرحم بطبعه
تعال الكلب جن وجنن الروح
وطبيبي انت الوحيد وممكن تقنعه
تعال وخل أشوفك بلكي ارتاح
ويهدأ كل جنوني وأسكت بسرعه
تعال وشوف دارك ملت النوح
تبجي بدم عليك وما بجت دمعه
http://smiles.al-wed.com/smiles/65/f4.gif
تنطر جيتك والباب مفتوح
ومشيت انت حبيبي بغير متودعه
وناذر لو تجي بس لحظة وتروح
تحت جدمك يصلي البيت الف ركعه
تعال أمك وابوك بطرك بس روح
وأخييك عكب شخصك منتكس وضعه
http://smiles.al-wed.com/smiles/65/f4.gif
أحب غيرك أبد ياروحي مامسموح
قرار من الكلب مابي ابد رجعه
لان حبك ملكني وعشعش بهلروح
والحب ياحبيبي احساس موسلعه
عفت روحي على كبرك جسد مطرو
لان كلبي حديقه وبس الك زرعه
http://smiles.al-wed.com/smiles/65/f4.gif
منقول
ارجو كتابة عبارة منقول للأمانة الأدبية ومنعا للحذف لاحقا
